ମୁମ୍ବାଇ: ବଲିଉଡ ଆକ୍ଟର ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଜୁନ 15ରେ 1 ବର୍ଷ ପୂରଣ ହୋଇଯିବ । ହେଲେ ଏଯାବତ ତାଙ୍କୁ ଭୁଲି ପାରୁନାହାଁନ୍ତି ଫ୍ୟାନ୍ସ । ତାଙ୍କୁ ମନେ ପକାଇ ଭାବବିହ୍ବଳ ହେଉପଡୁଛନ୍ତି ସମସ୍ତେ । ସୋସିଆଲ ମିଡିଆରେ ତାଙ୍କ ସହ କନେକ୍ଟ ଥିବା ଜିନିଷ ସେୟାର କରିବାରେ ଲାଗିଛନ୍ତି ଫ୍ୟାନ୍ସ । ଇତିମଧ୍ୟରେ ପୁଣିଥରେ ତାଙ୍କ ନାଁ ଚର୍ଚ୍ଚାରେ ।
ହେଲେ ଏଥର ପିଲାଙ୍କ ସ୍କୁଲ ପାଠ୍ୟକ୍ରମରେ ସୁଶାନ୍ତଙ୍କୁ ସାମିଲ କରାଯାଇଛି । ଯାହାକୁ ନେଇ ସମସ୍ତେ ଖୁସି ନକହିଲେ ସରେ । କଥାଟି ହେଲା ଯେ ବର୍ତ୍ତମାନ ଭାଇରାଲ ହେଉଛି କିଛି ଟ୍ବିଟ । ଯେଉଁଥିରେ କିଛି ୟୁଜର୍ସ ନିଜ ପିଲାଙ୍କ ବହିର ଫଟୋ ପୋଷ୍ଟ କରି ଏହି ସୂଚନା ଦେଇଛନ୍ତି ଯେ ସୁଶାନ୍ତଙ୍କ ବଙ୍ଗଳା ବହିରେ ସାମିଲ କରାଯାଇଥିବାର ।
ପ୍ରଥମ ୟୁଜର ଏକ ପୋଷ୍ଟରେ ବହିର ସ୍କ୍ରିନସଟ୍ ସେୟାର କରି ଲେଖିଛନ୍ତି, ‘ଏହି ବିଜ୍ଞାନ ବହି ମୋ କଜନ ଭଉଣୀର । ଯେଉଁଥିରେ ପ୍ରଶ୍ନ କରାଯାଇଛି ଏହି ତିନି ଜଣଙ୍କ ମଧ୍ୟରୁ କିଏ ମଣିଷ ।’ ସେହିପରି ଏହି ଫଟୋରେ ସୁଶାନ୍ତଙ୍କ ଫଟୋ ସହ ଗାଈ ଏବଂ ଝିଟିପିଟିର ଫଟୋକୁ ସାମିଲ କରାଯାଇଛି ।
ଅନ୍ୟପଟେ ଆଉ ଜଣେ ୟୁଜର ସୁଶାନ୍ତଙ୍କ ଟିଭି ଶୋ ‘ପବିତ୍ର ରିସ୍ତା’ର ଫଟୋ ବହିରେ ପ୍ରକାଶିତ ହୋଇଥିବାର ସ୍କ୍ରିନସଟ ସେୟାର କରିଛନ୍ତି । ସେହିପରି ସେ ଏହାର କ୍ୟାପସନରେ ଲେଖିଛନ୍ତି, ‘ଆଉ ଏକ ପ୍ରାଇମେରୀ ବଙ୍ଗଳା ଟେକ୍ସଷ୍ଟବୁକରେ ଆମ ପ୍ରିୟର ସୁଶାନ୍ତଙ୍କୁ ସ୍ଥାନ ଦିଆଯାଇଛି । ଯେଉଁଥିରେ ସୁଶାନ୍ତଙ୍କୁ ପିତା ଭୂମିକାରେ ଦର୍ଶାଯାଇଛି ।’
