ମୁମ୍ବାଇ: ସ୍ବର୍ଗୀୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚାରା’ ଓଟିଟି ପ୍ଲାଟଫର୍ମରେ ରିଲିଜ ହୋଇଯାଇଛି । ଫିଲ୍ମରେ ସୁଶାନ୍ତଙ୍କ ଅପୋଜିଟରେ ସଞ୍ଜନା ସାଙ୍ଘୀ ନଜର ଆସୁଛନ୍ତି । ବର୍ତ୍ତମାନ ଫିଲ୍ମକୁ ଦର୍ଶକଙ୍କ ଜବରଦସ୍ତ ପ୍ରତିକ୍ରିୟା ମିଳିବାରେ ଲାଗିଛି । ସେହିପରି ଫିଲ୍ମ ଦେଖି ଇମୋଶନାଲ ହୋଇପଡିଛନ୍ତି ସୁଶାନ୍ତଙ୍କ ଫ୍ୟାନ୍ସ । ହେଲେ ଇତିମଧ୍ୟରେ ଶୁଣିବାକୁ ମିଳୁଛି ଯେ ରିଲିଜର କିଛି ସମୟ ପରେ ଅନଲାଇନ ଲିକ ହୋଇଛି ଫିଲ୍ମ।
କୁଖ୍ୟାତ ହ୍ୟାଙ୍କି ସାଉଟ ଟୋରେଣ୍ଟରେ ଫିଲ୍ମକୁ ଲିକ କରାଯାଇଛି। ଶୁଣିବାକୁ ମିଳୁଛି ଯେ ୱେବସାଇଟରେ ‘ଦିଲ ବେଚାରା’ର ଏଚଡି ପ୍ରିଣ୍ଟ ବର୍ତ୍ତମାନ ଉପଲବ୍ଧ । ହେଲେ ଖୁସି ଖବର ହେଲା ଯେ ଏହାଦ୍ବାରା ଫିଲ୍ମ ବିଜନେସ ଉପରେ କୌଣସି ପ୍ରଭାବ ପଡିବ ନାହିଁ । କାରଣ ଡିଜନୀ ପ୍ଲସ ହଟଷ୍ଟାରରେ ଫିଲ୍ମକୁ ମାଗଣାରେ ଦେଖିବାକୁ ମିଳୁଛି । ମେକର୍ସ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଯାଇ ଫିଲ୍ମକୁ ସମ୍ପୂର୍ଣ୍ଣ ମାଗଣା କରିଦେଇଛନ୍ତି । ଯାହା ପାଇଁ ଦର୍ଶକଙ୍କୁ ସବ୍ସକ୍ରିପ୍ସନ ନେବାର ଆବଶ୍ୟକ ନାହିଁ ।
ପ୍ରକାଶ ଥାଉକି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି କାଷ୍ଟି ନିର୍ଦ୍ଦେଶକ ମୁକେଶ ଛାବଡା । ଯିଏ ସୁଶାନ୍ତଙ୍କ ଭଲ ବନ୍ଧୁ ମଧ୍ୟ।
