ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତ ମାମଲାରେ ସିବିଆଇ ଯାଞ୍ଚ ପାଇଁ ବୁଧବାର କେନ୍ଦ୍ର ଅନୁମତି ଦେଇଛି। ମଙ୍ଗଳବାର ବିହାର ସରକାର କେନ୍ଦ୍ରକୁ ସିବିଆଇ ଯାଞ୍ଚ ପାଇଁ ଅନୁରୋଧ କରିଥିଲେ । ଆଉ ଏବେ ଏହି ମାମଲାରେ ସିବିଆଇ ବୟାନ ଦେଇଛି। ସେହିପରି ବୟାନରେ କୁହାଯାଇଛି ଯେ ସୁଶାନ୍ତଙ୍କ ମାମଲାର ତଦନ୍ତ ସିବିଆଇ ଗ୍ରହଣ କରିଛି । ‘ଆମେ ଖୁବଶୀଘ୍ର ଯାଞ୍ଚ ଆରମ୍ଭ କରିବୁ’।
ପ୍ରକାଶ ଥାଉକି କେନ୍ଦ୍ର ସରକାରଙ୍କ ଓକିଲ ଏସଜି ତୁଷାର ମହେତା ସୁପ୍ରିମକୋର୍ଟରେ କହିଥିଲେ ଯେ ବିହାର ସରକାରଙ୍କ ସିବିଆଇ ଯାଞ୍ଚ ଅନୁରୋଧକୁ ମଞ୍ଜୁରୀ ଦେଇଛନ୍ତି କେନ୍ଦ୍ର ସରକାର । ସେହିପରି ଏହି ନିଷ୍ପତ୍ତି ଆସିବା ପରେ ବିହାର ସରକାରଙ୍କ ବରିଷ୍ଠ ଓକିଲ ମୁକୁଲ ରୋହତଗୀ ଏହାକୁ ସ୍ବାଗତ କରିଥିଲେ ।
ହେଲେ ସୁଶାନ୍ତ ଓ ରିଆ ଚକ୍ରବର୍ତ୍ତୀ ମାମଲରେ ସୁପ୍ରିମକୋର୍ଟ ନିଷ୍ପତ୍ତି ଆସିବା ପରେ ଆଗାମୀ ତଦନ୍ତ ଆରମ୍ଭ କରିବ ସିବିଆଇ । ଯାହାର ଶୁଣାଣି କୋର୍ଟ ଆସନ୍ତା ସପ୍ତାହରେ କରିବେ ।
