ମୁମ୍ବାଇ: ଲୋକପ୍ରିୟ ଗାୟିକା ଲତା ମଙ୍ଗେସକର ଗତ ସୋମବାର ଅସୁସ୍ଥ ହୋଇ ମୁମ୍ବାଇ ବ୍ରିଚ କ୍ୟାଣ୍ଡି ମେଡିକାଲରେ ଭର୍ତ୍ତି ହୋଇଥିଲେ । ସୋସିଆଲ ମିଡିଆରେ ତାଙ୍କ ଦୀର୍ଘାୟୁ କାମନା କରିବାରେ ଲାଗିଥିଲେ ସେଲିବ୍ରିଟି । ଇତିମଧ୍ୟରେ ତାଙ୍କ ପରିବାର ତରଫରୁ ଏକ ଷ୍ଟେଟମେଣ୍ଟ ଜାରି କରାଯାଇ ତାଙ୍କ ସୁସ୍ଥ ହେବାର ସୂଚନା ଦିଆଯାଇଛି ।
ପରିବାର ଲୋକେ କହିଛନ୍ତି ଯେ ବର୍ତ୍ତମାନ ଲତା ଦିଦି ପୂର୍ବ ଅପେକ୍ଷା ସୁସ୍ଥ ଅଛନ୍ତି । ସେମାନେ ଲତାଙ୍କୁ ଶୀଘ୍ର ଘରକୁ ନେବାକୁ ଅପେକ୍ଷା କରିଛନ୍ତି । ତାଙ୍କ ଦୁଃଖଦ ସମୟରେ ଠିଆ ହେବା ଏବଂ ତାଙ୍କ ବ୍ୟାକ୍ତିଗତ ସମସ୍ୟାର ସମ୍ମାନ କରିବା ପାଇଁ ଆପଣଙ୍କୁ ଅନେକ ଅନେକ ଧନ୍ୟବାଦ । ଏହାସହ ସେ ଲତାଙ୍କ ପ୍ରଶଂସକ ପ୍ରାର୍ଥନା ପାଇଁ ଧନ୍ୟବାଦ ମଧ୍ୟ ଜଣାଇଛନ୍ତି ।
ସୋମବାର ତାଙ୍କ ଅସୁସ୍ଥର ଖବର ତାଙ୍କ ଝିଆରୀ ଏକ ସାକ୍ଷାତକାରରେ ଦେଇଥିଲେ । ସେ କହିଥିଲେ କି ଭାଇରାଲ ଇନଫେକ୍ସନରେ ଆକ୍ରାନ୍ତ ହେବା ଯୋଗୁ ଲତାଙ୍କ ନିଶ୍ବାସ ପ୍ରଶ୍ବାସରେ ସମସ୍ୟା ଦେଖାଦେଇଥିଲି । ଯାହାପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।
ଅନ୍ୟପଟେ ମଙ୍ଗଳବାର ବିଶିଷ୍ଟ ଅଭିନେତ୍ରୀ ହେମାମାଳିନୀ ଟ୍ବିଟରେ ତାଙ୍କ ସୁସ୍ଥ ହେବାର ପ୍ରାର୍ଥନା କରିଥିଲେ । କେବଳ ହେମା ନୁହେଁ ଶବାନା ଆଜମୀ, ପୁନମ ଦହିଲନ, ଅଦନାନ ସାମି ମଧ୍ୟ ଟ୍ବିଟରରେ ତାଙ୍କ ସୁସ୍ଥ ହେବାର ପ୍ରାର୍ଥନା କରିଥିଲେ ।
