ମୁମ୍ବାଇ: ସ୍ବର ସାମ୍ରାଜ୍ଞୀ ଲତା ମଙ୍ଗେସକର ସୋସିଆଲ ମିଡିଆରେ ଖୁବ୍ ସକ୍ରିୟ ରୁହନ୍ତି। ଲକଡାଉନ ସମୟରେ ଦେଶବାସୀଙ୍କୁ ସେ ସୋସିଆଲ ମିଡିଆରେ ଘରେ ରହି ସୁରକ୍ଷିତ ରହିବାକୁ ଅପିଲ କରୁଥିବାର ମଧ୍ୟ ନଜର ଆସୁଛନ୍ତି। ଇତିମଧ୍ୟରେ ଲତା ଦିଦି ନିଜ ଭାଣେଜୀ ସହ ସମ୍ପୃକ୍ତ ଥିବା ଏକ ମଜାଦାର କାହାଣୀ ସେୟାର କରିଛନ୍ତି। ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି।
ସେ ଟ୍ବିଟରେ କରିଥିବା ପୋଷ୍ଟରେ ଲେଖିଛନ୍ତି, ‘ନମସ୍କାର, ଏପରି ବାତାବରଣରେ ଆପଣଙ୍କ ମୁହଁରେ ଟିକେ ଖୁସି ଆଣିବା ପାଇଁ । ମୋ ଭାଣେଜୀ ରଚନାଙ୍କୁ କେହି ପ୍ରଶ୍ନ କରିଥିଲେ ଏବେ ତୁମେ କେଉଁ ଗୀତ ଶୁଣୁଛ । ଏହାର ଜବାବରେ ସେ କହିଥିଲେ ପର୍ଦେ ମେଂ ରହନେ ଦୋ, ପର୍ଦା ନା ଉଠାଓ।’
ଲତାଙ୍କ ପ୍ରଶଂସକଙ୍କୁ ଖୁବ୍ ହସାଇଛି ଏହି ପୋଷ୍ଟ । ଏହି ପୋଷ୍ଟ ଜରିଆରେ ସେ ଶାନଦାର ଅନ୍ଦାଜରେ ଜନତାଙ୍କୁ ଘରେ ରହିବାକୁ ଅପିଲ କରିଛନ୍ତି । ପ୍ରକାଶ ଥାଉକି ‘ପର୍ଦେ ମେଂ ରହନେ ଦୋ, ପର୍ଦା ନା ଉଠାଓ’ ଗୀତଟି 1986 ରେ ଆସିଥିବା ଫିଲ୍ମ ଶିଖରର ଫେମସ ଗୀତ ।
