ମୁମ୍ବାଇ: ବର୍ତ୍ତମାନ ବଲିଉଡର ଟପ ଅଭିନେତ୍ରୀଙ୍କ ତାଲିକାରେ 'ଲୁକାଛୁପି' ଅଭିନେତ୍ରୀ କ୍ରିତି ସାନନଙ୍କ ନାମ ସାମିଲ ହୋଇସାରିଛି । ତେବେ ସେ ଖୁବଶୀଘ୍ର ମଲ୍ଟି ଷ୍ଟାରର ଫିଲ୍ମ 'ପାନିପତ'ରେ ନଜର ଆସିବେ । ଏହାସହ ସେ ଅଭିନେତା ଦିଲଜିତ ଦୋସାଞ୍ଝଙ୍କ ଆଗାମୀ ଫିଲ୍ମ 'ଅର୍ଜୁନ ପଟିୟାଲ' ଜରିଆରେ ଦର୍ଶକଙ୍କୁ ଖୁବ୍ ହସାଇବେ ।
- " class="align-text-top noRightClick twitterSection" data="
">
ଇତିମଧ୍ୟରେ ସେ ଆସୁତୋଷ ଗୋୱାରିକରଙ୍କ ନିର୍ଦ୍ଦେଶିତ ଫିଲ୍ମ 'ପାନିପତ'ର ସୁଟିଂ ଶେଷ କରିନେଇଛନ୍ତି । ଫିଲ୍ମଟି 'ପାନିପତ'ର ତୃତୀୟ ଯୁଦ୍ଧ ଉପରେ ଆଧାରିତ । କ୍ରିତିଙ୍କ ସହ ଫିଲ୍ମରେ ହ୍ୟାଣ୍ଡସମ ଅଭିନେତା ଅର୍ଜୁନ କପୁର ଓ ସଞ୍ଜୟ ଦତ୍ତ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ ।
ଫିଲ୍ମର ଶେଷ ସିଡ୍ୟୁଲ ସାରିଥିବା ସୂଚନା ସେ ନିଜ ଇନଷ୍ଟାଗ୍ରାମରେ ଫ୍ୟାନ୍ସଙ୍କୁ ଜଣାଇଛନ୍ତି । ରବିବାର ସେ ଏକ ଫଟୋ ସେୟାର କରି ଫିଲ୍ମ କଳାକାର ଏବଂ କ୍ରୁ ମେମ୍ବରଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ ।
ଅର୍ଜୁନଙ୍କ ସହ ନିଜର ଏକ ଫଟୋ ସେୟାର କରି କ୍ୟାପସନରେ ସେ ଲେଖିଛନ୍ତି, "ଏହାଙ୍କୁ ଚୁପ କରିବାର କୌଣସି ଅନ୍ୟ ରାସ୍ତା ନାହିଁ, ପ୍ରେମ, ସ୍ନେହର ସହ-କଳାକାର ହେବା ପାଇଁ ଧନ୍ୟବାଦ । ମୁଁ ବହୁତ ଖୁସି ଅଛି କି ଏହି ଯାତ୍ରା ଆମେ ଏକାଠି ଆରମ୍ଭ କରିଛେ । ମୋତେ ତୁମ ରୂପରେ ଶାନଦାର ବନ୍ଧୁ ମିଳିଲା ।"
