ମୁମ୍ବାଇ: ବଲିଉଡରେ ଚାଲିଥିବା ପରିବାରବାଦକୁ ନେଇ ସ୍ବର ଉତ୍ତୋଳନ କରିବାରେ ଲାଗିଛନ୍ତି ଅନେକ ଲୋକ । ଏହି ମାମଲାରେ ସେମାନଙ୍କୁ ବଲିଉଡର କିଛି ସେଲିବ୍ରିଟି ମଧ୍ୟ ସମର୍ଥନ କରୁଥିବାର ଆସୁଛନ୍ତି ନଜର । ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟାରେ କ୍ରୋଧିତ ପୁରା ଦେଶ । ସୋସିଆଲ ମିଡିଆରେ ତାଙ୍କୁ ମୃତ୍ୟୁକୁ ନେଇ ସୃଷ୍ଟି ହେଉଛି ଅନେକ ପ୍ରଶ୍ନ । କିଏ ଆତ୍ମହତ୍ୟା ତ ଆଉ କିଏ ହତ୍ୟାର ରୂପ ଦେବାରେ ଲାଗିଛନ୍ତି । ବର୍ତ୍ତମାନ ବଲିଉଡ ଦୁଇଟି ଭାଗରେ ବିଭକ୍ତ ହେଲା ପରି ଲାଗୁଛି । ଅନ୍ୟପଟେ ଫେମସ ଗାୟକ ସୋନି ନିମ ଟି-ସିରିଜ ମାଲିକ ଭୂଷଣ କୁମାରଙ୍କ ଟାର୍ଗେଟ କରି କଡା ଧମକ ଦେଇସାରିଛନ୍ତି ।
ସେ ନିଜର ଏକ ଭିଡିଓ ଇନଷ୍ଟାଗ୍ରାମରେ ସେୟାର କରି ଭୂଷଣଙ୍କୁ କହିଥିଲେ ଯଦି ସେ ତାଙ୍କ ସହ ପଙ୍ଗା ନେବେ, ତେବେ ସେ ତାଙ୍କ ବିରୋଧରେ ଯେଉଁ ଭିଡିଓ ରଖଛନ୍ତି ତାହା ୟୁଟ୍ୟୁବରେ ଭାଇରାଲ କରିଦେବେ । ସେ ଭିଡିଓରେ ମରୀନା କୁୱାରଙ୍କ ନାମ ନେଇଥିଲେ । ଏବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଉଙ୍କିମାରୁଛି ଯେ ମରୀନା କିଏ ? ସୋନୁ ତାଙ୍କ ନାମ ନେଇ କାହିଁକି ଭୂଷଣଙ୍କୁ ଧମକ ଦେଇଛନ୍ତି । ସୋସିଆଲ ମିଡିଆ ହେଉ କିମ୍ବା ଗୁଗଲ ସବୁଥରେ ଲୋକ ମରୀନାଙ୍କୁ ସର୍ଚ୍ଚ କରିବାରେ ଲାଗିଛନ୍ତି । ତେବେ ଆସନ୍ତୁ ଜାଣିବା ମରୀନାଙ୍କ ବିଷୟରେ...
କଥାଟି ହେଲା ଯେ ମରୀନା ଜଣେ ମଡେଲ ଓ ଟିଭି ଅଭିନେତ୍ରୀ । ସେ ସେହି ସମୟରେ ଚର୍ଚ୍ଚାରେ ଆସିଥିଲେ ଯେବେ 2017ରେ ଡେରା ସଚା ସୌଦା ମୁଖ୍ୟ ଗୁରମିତ ରାମ ରହିମଙ୍କୁ ନେଇ ଖୁଲାସା କରିଥିଲେ । ସେହି ସମୟରେ ମରୀନା ଅନେକ ଆଶ୍ଚର୍ଯ୍ୟଜନକ ଖୁଲାସା କରିଥିଲେ । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା ।
ମରୀନା କହିଥିଲେ ସେ ଯେବେ ରାମ ରହିମଙ୍କ ପାଖକୁ ଯାଇଥିଲେ ସେ ତାଙ୍କୁ ଆଲିଙ୍ଗନ କରିଥିଲେ । ଯାହାକୁ ନେଇ ସେ ଟିକେ ଚିନ୍ତିତ ହୋଇଯାଇଥିଲେ । ଏହାପରେ ସେ ଅଭିଯୋଗ ଆଣିଥିଲେ ଯେ ରାମ ରହିମ ତାଙ୍କୁ ଅଶ୍ଲୀଳ ଭାବେ ସ୍ପର୍ଶ କରିଥିଲେ । ଏହାପରେ ତାଙ୍କୁ ରାମ ରହିମ ଏକଦା ବେଡରୁମକୁ ନେଇଯାଇଥିଲେ ଆଉ କହିଥିଲେ ସେ ତାଙ୍କ କଥା ମାନିଲେ ତାଙ୍କୁ କେବେ ମଧ୍ୟ ଟଙ୍କାର ଅଭାବ ହେବ ନାହିଁ ।
ରାମ ରହିମ ସେହି ଯାହାଙ୍କ ଉପରେ 2017ରେ ନିଜ ଆଶ୍ରମର ଦୁଇ ଝିଅଙ୍କ ସହ ଦୁଷ୍କର୍ମ କରିବା ଅଭିଯୋଗ ଲାଗିଥିଲା । ଦୋଷୀ ସାବ୍ୟସ୍ତ ହେବା ପରେ ତାଙ୍କୁ କୋର୍ଟ 20 ବର୍ଷ ଜେଲ ଦଣ୍ଡ ଶୁଣାଇଥିଲା । ଯାହାପରେ ମରୀନା ଏହି ଅଭିଯୋଗ ଆଣିଥିଲେ । ହେଲେ ଭୂଷଣଙ୍କ ସହ ତାଙ୍କ ସମ୍ପର୍କ କଣ ତାହା ଏଯାବତ ସାମ୍ନାକୁ ଆସିନାହିଁ । ହୁଏତଃ ସୋନୁ ଖୁଲାସା କଲା ପରେ ହି ଜଣାପଡିବ ।
