ହାଇଦ୍ରାବାଦ: ଗତ କିଛି ଦିନ ହେବ ସୋସିଆଲ ମିଡିଆରେ 'କାଚା ବାଦାମ' ଗୀତ ଭାଇରାଲ ହେବାରେ ଲାଗିଛି। ସାଧାରଣ ଲୋକଙ୍କୁ ତ ଛାଡନ୍ତୁ, ଏହି ଗୀତରେ ସେଲିବ୍ରିଟି ମଧ୍ୟ ବାୟା ହୋଇଯାଇଛନ୍ତି । କାଚା ବାଦାମ ଗୀତ କେବଳ ଦେଶରେ ନୁହେଁ, ସାରା ବିଶ୍ବରେ ବ୍ୟାପିଛି । ବର୍ତ୍ତମାନ ଲୋକପ୍ରିୟ କମେଡି ସୋ 'ଦି କପିଲ ଶର୍ମା ସୋ'ରେ ଦର୍ଶକଙ୍କୁ ହସାଉଥିବା କିକୁ ଶାରଦା ଏବଂ ରୋଚେଲ ରାଓ କାଚା ବାଦାମ ଗୀତରେ ଖୁବ ଜମେଇକି ଡ୍ୟାନ୍ସ କରିଛନ୍ତି। ଉଭୟଙ୍କ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
- " class="align-text-top noRightClick twitterSection" data="
">
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ସୋ’ରେ ଓକିଲ ଭୂମିକାରେ ଅଭିନୟ କରିଥିବା କିକୁ ଶାରଦା 'କାଚା ବାଦାମ' ଗୀତରେ ନାଚୁଛନ୍ତି। ରୋଚେଲ ତାଙ୍କ ହଟ ଷ୍ଟାଇଲରେ କମର ହଲାଉଛନ୍ତି । ବର୍ତ୍ତମାନ ପ୍ରଶଂସକମାନେ ଏହି ମଜାଳିଆ ଭିଡିଓରେ କମେଣ୍ଟ ଦେବା ଆରମ୍ଭ କରିଦେଇଛନ୍ତି । କିକୁ ଶାରଦାଙ୍କ ଡ୍ୟାନ୍ସ ଦେଖିବା ପରେ ପ୍ରଶଂସକଙ୍କ ହସ ବନ୍ଦ ହେଉନାହିଁ ।
ଏହା ବି ପଢନ୍ତୁ: କାଚା ବାଦାମ୍ ଗୀତରେ ଝୁମିଲେ ଅଲୁ ଅର୍ଜୁନଙ୍କ ଝିଅ ଆରହା, ଭିଡିଓ ଭାଇରାଲ
ଜଣେ ୟୁଜର କମେଣ୍ଟ ଦେଇଛନ୍ତି, 'ଏହା ହେଉଛି ପ୍ରକୃତ ବାଦାମ,' ଅନ୍ୟ ଜଣେ ୟୁଜର କମେଣ୍ଟ ଦେଇଛନ୍ତି, 'ଏହା 100 କିଲୋଗ୍ରାମ ବାଦାମ'। ଏହି ସମୟରେ, ଅନେକ ୟୁଜର ଏହି ଭିଡିଓରେ ହସୁଥିବା ଇମୋଜି ସେୟାର କରିଛନ୍ତି । ଏହା ବ୍ୟତୀତ, ୟୁଜରମାନେ ROFL ଏବଂ LOL ପରି କମେଣ୍ଟ ଦେଇ ନିଜର ଖୁସି ବ୍ୟକ୍ତ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
