ମୁମ୍ବାଇ: ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ର ରିଲିଜ ପାଇଁ ପ୍ରସ୍ତୁତ ହୋଇସାରିଥିବା ଅକ୍କି ଅକ୍ଷୟ କୁମାର ନିଜର ଆଗାମୀ ଫିଲ୍ମ ‘ସୂର୍ଯ୍ୟବଂଶୀ’ର ସୁଟିଂ ପାଇଁ ହାଇଦ୍ରାବାଦରେ ଅଛନ୍ତି । ଯାହାର ଏକ ଫଟୋ ଫିଲ୍ମ ସେଟରୁ ସାମ୍ନାକୁ ଆସିଥିଲା । ଇତିମଧ୍ୟରେ ଆଉ ଏକ ଫଟୋଟିକୁ ସୋସିଆଲ ମିଡିଆରେ ସେୟାର କରିଛନ୍ତି ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ।
- " class="align-text-top noRightClick twitterSection" data="View this post on Instagram
Now Shooting 🎬 #sooryavanshi #onset @itsrohitshetty @akshaykumar @karanjohar
">
ଅକ୍ଷୟ ନିଜର ବହୁ ପ୍ରତିକ୍ଷିତ ଫିଲ୍ମ ‘ସୂର୍ଯ୍ୟବଂଶୀ’ର କ୍ଲାଇମେକ୍ସ ସୁଟ କରିବା ଆରମ୍ଭ କରିଦେଇଛନ୍ତି । ଏବର୍ଷ ରିଲିଜ ହୋଇଥିବା ‘ସିମ୍ବା’ ପରେ ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ ଆକ୍ସନର ଓଭରଡୋଜ ‘ସୂର୍ଯ୍ୟବଂଶୀ’ରେ ନେଇ ଫେରିବେ । ଫିଲ୍ମର କ୍ଲାଇମାକ୍ସରେ ଅକ୍ଷୟଙ୍କ ସହ ରଣବୀର କପୁର ଓ ସିଂଘମ ଅଜୟ ଦେବଗନ ମଧ୍ୟ ନଜର ଆସିବେ । ଫିଲ୍ମରେ ଅକ୍ଷୟଙ୍କ ଭୂମିକା ଏବଂ ନାମର ଘୋଷଣା ଏଯାବତ ହୋଇନଥିଲା । କିନ୍ତୁ ଏବେ ଏହାର ଖୁଲାସା କରିଛନ୍ତି ତାଙ୍କ କୋ-ଷ୍ଟାର କ୍ୟାଟ୍ରିନା ।
ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ଅକ୍ଷୟଙ୍କ ନାମ ଲେଖାଯାଇଛି । ‘ସୂର୍ଯ୍ୟଂବଶୀ’ରେ ଅକ୍ଷୟଙ୍କ ନାମ ବୀର ସୂର୍ଯ୍ୟବଂଶୀ ରଖାଯାଇଛି । ଫଟୋର କ୍ୟାପସନରେ ସେ ଲେଖିଛନ୍ତି, ‘ଏବେ ସୂର୍ଯ୍ୟବଂଶୀର ସୁଟିଂ କରୁଛି।’
ପ୍ରକାଶ ଥାଉକି ଫିଲ୍ମର କାହାଣୀ ଲେଖିଛନ୍ତି ସାଜିଦ ଫରହଦ । ସେହିପରି ଫିଲ୍ମରେ ମ୍ୟୁଜିକର ତଡକା ଲଗାଇବେ ହିମେଶ ରେଶମିୟା, ଗୁରୁ ରାନ୍ଧୱା ଓ ତାନିଷ୍କ ବାଗଚୀ । ଫିଲ୍ମଟି ଏବର୍ଷ ରିଲିଜ ହେବାର ଥିଲା କିନ୍ତୁ କିଛି ସମସ୍ୟା ପାଇଁ ମେକର୍ସ ଏହାର ରିଲିଜ ତାରିଖ ଆସନ୍ତା ବର୍ଷ ମାର୍ଚ୍ଚ 27 ତାରିଖକୁ ଘୁଞ୍ଚାଇ ଦେଇଥିଲେ ।
