ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚାରା’ ଗତ 24 ତାରିଖରେ ଓଟିଟି ପ୍ଲାଟଫର୍ମ ଡିଜନି ପ୍ଲସ ହଟଷ୍ଟାରରେ ରିଲିଜ ହୋଇଥିଲା । ଫିଲ୍ମକୁ ଏମିତି ଭ୍ୟୁଅରଶିପ ମିଳିଛନ୍ତି ହୁଏତଃ ଯାହା ଦୀର୍ଘ ସମୟ ପର୍ଯ୍ୟନ୍ତ ଅନ୍ୟ କୌଣସି ଫିଲ୍ମକୁ ମିଳିନପାରେ । ଫିଲ୍ମକୁ ନେଇ ଏତେ ଏକ୍ଟାଇଟେଡ ଥିଲେ ସମସ୍ତେ ଯାହାଦ୍ବାରା ଫିଲ୍ମ ରିଲିଜ ହେବାର କିଛି ଘଣ୍ଟା ମଧ୍ୟରେ ସୋସିଆଲ ମିଡିଆରେ ଏହାକୁ ଟ୍ରେଣ୍ଡ କରାଇଥିଲେ । ଫିଲ୍ମରେ ତାଙ୍କ ଅଭିନୟ ସମସ୍ତଙ୍କ ଆଖିରେ ଲୁହ ଆଣିଦେଇଥିଲା । ଏବେ ଏହି ତାଲିକାରେ ଆଉ ଏକ ଫ୍ୟାନ୍ସଙ୍କ ନାମ ସମ୍ପୃକ୍ତ ହୋଇଛି । ଏହି ଫ୍ୟାନ ଆଉ କେହି ନୁହେଁ ଏ ହେଲେ କ୍ୟୁଟ ଅଭିନେତା କାର୍ତ୍ତିକ ଆର୍ୟନ ।
ଆଜ୍ଞା ହଁ, କାର୍ତ୍ତିକଙ୍କୁ ସୁଶାନ୍ତଙ୍କ ଫିଲ୍ମ ‘ଦିଲ ବେଚାରା’ ଏତେ ପସନ୍ଦ ଆସିଛି ଯେ ସେ ପୁଣିଥରେ ଫିଲ୍ମ ଦେଖିଛନ୍ତି। ଏହାର ସୂଚନା ସେ ସୋସିଆଲ ମିଡିଆରେ ଦେଇଛନ୍ତି। ଏହାସହ ସେ ଫିଲ୍ମର ବେଷ୍ଟ ସିନ ମଧ୍ୟ ସେୟାର କରିଛନ୍ତି। ଫିଲ୍ମରେ ଯେତେବେଳେ କିଜି ବାସୁ, ସୁଶାନ୍ତଙ୍କ ପାଇଁ ଫ୍ୟୁନରଲ ସ୍ପିଚ ଦେଇଛନ୍ତି ସେହି ସିନ କାର୍ତ୍ତିକଙ୍କୁ ମଧ୍ୟ ଦୁଃଖି କରିଦେଇଛି । ଏହା ତାଙ୍କ ଫେଭରେଟ ସିନ ସାଜିଛି।
- " class="align-text-top noRightClick twitterSection" data="
">
କାର୍ତ୍ତିକ ସେୟାର କରିଥିବା ସେହି ସିନର ଫଟୋ ଦେଖି ଫ୍ୟାନ୍ସ ମଧ୍ୟ ପୁଣିଥରେ ଭାବୁକ ହୋଇପଡିଛନ୍ତି । କମେଣ୍ଟ କମେଣ୍ଟ କରି ନିଜ ନିଜ ପ୍ରତିକ୍ରିୟା ଦେଉଛନ୍ତି । ପ୍ରକାଶ ଥାଉକି ସୁଶାନ୍ତ ତ ଏହି ଫିଲ୍ମର ପ୍ରମୋଟ କରିପାରିନଥିଲେ । ହେଲେ ବଲିଉଡର ଅନେକ ଷ୍ଟାର୍ସ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଯାଇ ଫିଲ୍ମର ଖୁବ୍ ପ୍ରମୋଶନ କରିଥିଲେ।
