ମୁମ୍ବାଇ: ଅଭିନେତା କାର୍ତ୍ତିକ ଆର୍ୟନ ଏବେ ଟପ ଅଭିନେତାଙ୍କ ମଧ୍ୟରେ ସାମିଲ ହୋଇସାରିଲେଣି । ତାଙ୍କ ଫ୍ୟାନ୍ସଙ୍କ ସଂଖ୍ୟା ଧିରେ ଧିରେ ଆକାଶ ଛୁଆଁ ହେଲାଣି । ତାଙ୍କ ଫ୍ୟାନ୍ସଙ୍କ ମଧ୍ୟରେ ଫିମେଲ ଫ୍ୟାନ୍ସ ସଂଖ୍ୟା ବେଶ ଅଧିକା । କାର୍ତ୍ତିକଙ୍କ ଫଟୋ ଦେଖିବାକୁ ସୋସିଆଲ ମିଡିଆରେ ଫ୍ୟାନ୍ସ ଅପେକ୍ଷା କରି ବସୁଛନ୍ତି । ତାଙ୍କର ପ୍ରାୟ ସବୁ ଫଟୋ ଇଣ୍ଟରନେଟରେ ଚହଳ ସୃଷ୍ଟି କରୁଛି ।
ବହୁତ କମ ଦିନରେ ବି-ଟାଉନର ଅନେକ ଆକ୍ଟ୍ରେସଙ୍କର ପ୍ରଥମ ପସନ୍ଦ ସାଜିଛନ୍ତି କାର୍ତ୍ତିକ । ଇତି ମଧ୍ୟରେ ସେ ସୋସିଆଲ ମିଡିଆରେ ନିଜର ଏକ ଚାର୍ମିଂ ଫଟୋ ସେୟାର କରିଛନ୍ତି । ଯାହା ଉପରେ ୟୁଜର୍ସଙ୍କ କେମଣ୍ଟ ଦେଖାଯିବା ସହ ସେକ୍ସୀ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି ।
ନିକଟରେ କାର୍ତ୍ତିକ ଟ୍ବିଟରରେ ଫଟୋ ସେୟାର କରି ଲେଖିଥିଲେ, "ତୁମେ ଯେତେ ଶାନ୍ତ ହୋଇଯିବ ସେତିକି ଅଧିକା ଶୁଣିପାରିବ ।" କାର୍ତ୍ତିକଙ୍କ ଏହି କ୍ୟାପସନ ଗମ୍ଭୀର ଲାଗୁଛି ସତ, କିନ୍ତୁ ତାଙ୍କ ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଅନ୍ୟପଟେ ତାଙ୍କ ଫଟୋ ଉପରେ ଶିଳ୍ପା କମେଣ୍ଟ କରି ଲେଖିଛନ୍ତି, "ବାଃ ବାଃ ବାଃ, ଭେରୀ ଡିପି" । ଶିଳ୍ପାଙ୍କ ଏହି କମେଣ୍ଟରୁ ଲାଗୁଛି ଯେ ସେ ମଧ୍ୟ କାର୍ତ୍ତିକଙ୍କ ଫଟୋ ଏବଂ କମେଣ୍ଟରେ ଖୁବ୍ ପ୍ରଭାବିତ ହୋଇଛନ୍ତି ।
