ମୁମ୍ବାଇ: କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ସବୁବେଳେ ନିଜ ମସ୍ତିଭରା ଅନ୍ଦାଜ ପାଇଁ ଫ୍ୟାନ୍ସଙ୍କ ମନ କିଣନ୍ତି । ବହୁତ କମ୍ ସମୟରେ ସେ ସବୁ ନିର୍ମାତାଙ୍କ ଫେଭରେଟ ଷ୍ଟାର ସାଜିବା ସହ ଫ୍ୟାନ୍ସଙ୍କ ହୃଦୟରେ ରାଜ୍ କରିବା ଆରମ୍ଭ କରିଦେଇଛନ୍ତି । ଫିମେଲ ଫ୍ୟାନ୍ସଙ୍କ ବ୍ୟତୀତ କୁନି କୁନି ପିଲା ମଧ୍ୟ ତାଙ୍କ ଦିୱାନା । ଏକଥା ଆମେ କହୁନାହୁଁ ଏହା ତାଙ୍କ ନୂଆ ସୋସିଆଲ ମିଡିଆ ପୋଷ୍ଟରୁ ଜଣାପଡିଛି ।
କଥା କଣ କି ଗତକାଲି ଅର୍ଥାତ 7 ଫେବୃଆରୀରୁ ଆରମ୍ଭ ହୋଇଯାଇଛି ପ୍ରେମର ସପ୍ତାହ । ଆଉ ଗତକାଲି ଥିଲା ‘ରୋଜ୍ ଡେ’। ରୋଜ୍ ଡେରେ କୁନି ଫ୍ୟାନ୍ସଙ୍କଠୁ ରୋଜ୍ ନେଇ କାର୍ତ୍ତିକଙ୍କ ଖୁସି ନକହିଲେ ସରେ । ବର୍ତ୍ତମାନ ଭାଇରାଲ ହେଉଥିବା ଏକ ଭିଡିଓରେ ଦେଖିବାକୁ ମିଳୁଛି ଏକ ମଲ୍ରେ କାର୍ତ୍ତିକଙ୍କୁ ଜଣେ କୁନି ଝିଅ ରୋଜ୍ ଦେଇ ‘ରୋଜ୍ ଡେ’ ୱିଶ କରୁଥିବାର ।
ଆଉ ଭିଡିଓ କ୍ୟାପସନରେ କାର୍ତ୍ତିକ ଲେଖିଛନ୍ତି, ‘ଏପରି ରୋଜ୍ ଡେ ରୋଜ ରୋଜ ଆସୁ ।’ସେପଟେ କୁନି ଫ୍ୟାନ ଠୁ ଫୁଲ ନେଇ ଫଟୋ ଉଠାଇଛନ୍ତି ଅଭିନେତା ।
ପ୍ରକାଶ ଥାଉକି ଏବର୍ଷ ବ୍ୟାକ ଟୁ ବ୍ୟାକ ଫିଲ୍ମ ନେଇ ଫେରିବେ କାର୍ତ୍ତିକ । ଏହି କ୍ରମରେ ସାମିଲ ଅଛି ତାଙ୍କ ଅଭିନୀତ ଫିଲ୍ମ ‘ଭୁଲ ଭୁଲୈୟା 2’, ‘ଧମାକା’, ‘ଦୋସ୍ତାନା 2’ ଭଳି ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
