ନୂଆଦିଲ୍ଲୀ: ବଲିଉଡର କ୍ୟୁଟ ଆକ୍ଟର କାର୍ତ୍ତିକ ଆର୍ୟନ ଗତ କିଛି ଦିନରୁ ଚର୍ଚ୍ଚାରେ । ଲଗାତାର ତାଙ୍କ ହାତରୁ ଚାଲି ଯାଇଛି ତିନୋଟି ବିଗ ବଜେଟ ଫିଲ୍ମ । ଯାହାକୁ ନେଇ କ୍ରୋଧିତ ତାଙ୍କ ଫ୍ୟାନ୍ସ । ସୋସିଆଲ ମିଡିଆରେ ତାଙ୍କୁ ସମର୍ଥନ କରୁଛନ୍ତି ସମସ୍ତେ । ଇତିମଧ୍ୟରେ ତାଙ୍କୁ ନେଇ ସାମ୍ନାକୁ ଆସିଲା ବଡ ଖବର । ଯାହା ଶୁଣି ଖୁସି ହୋଇଯିବେ ଫ୍ୟାନ୍ସ ।
- " class="align-text-top noRightClick twitterSection" data="
">
କାର୍ତ୍ତିକ ଫିଲ୍ମ ନିର୍ମାତା ସାଜିଦ ନାଡିଆଡୱାଲାଙ୍କ ଚଳଚ୍ଚିତ୍ର 'ସତ୍ୟନାରାୟଣ କି କଥା'ରେ ମୁଖ୍ୟ ଭୂମିକାରେ ନଜର ଆସିବେ । ନିର୍ମାତାମାନେ ସୋସିଆଲ ମିଡିଆ ମାଧ୍ୟମରେ ଏହି ସୂଚନା ଦେଇଛନ୍ତି ।
କାର୍ତ୍ତିକ ଏକ ବୟାନରେ କହିଛନ୍ତି ଯେ, 'ସତ୍ୟନାରାୟଣ କି କଥା'ର ଟିମ ସହିତ କାମ କରିବାକୁ ନେଇ ମୁଁ ବହୁତ ଖୁସି । ଏଥିରେ ଅନେକ 'ସ୍ପେଶାଲ' ଲୋକ ଏକାଠି ହେଉଛନ୍ତି ।
ଏହି ଚଳଚ୍ଚିତ୍ରଟିକୁ ରାଷ୍ଟ୍ରୀୟ ପୁରସ୍କାରରେ ସମ୍ମାନିତ ସମୀର ବିଦୱାନ୍ସ ନିର୍ଦ୍ଦେଶନା ଦେବେ । ତାଙ୍କର ଚଳଚ୍ଚିତ୍ର 'ଆନନ୍ଦି ଗୋପାଳ'କୁ ବହୁ ପ୍ରଶଂସା କରାଯାଇଥିଲା ।
ନାଡିଆଡୱାଲା ଏକ ବୟାନରେ କହିଛନ୍ତି ଯେ, ଏହି ଚଳଚ୍ଚିତ୍ର ତାଙ୍କ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ଏବଂ ଏହି ଚଳଚ୍ଚିତ୍ରଟି ନାଡିଆଡୱାଲା ଗ୍ରାଣ୍ତସନ ଏଣ୍ଟରଟେନମେଣ୍ଟ ଏବଂ ନମ ପିକ୍ଚର୍ସ ଏକାଠି ଭାବେ ପ୍ରସ୍ତୁତ କରୁଛନ୍ତି । ଏଥିରେ କାର୍ତ୍ତିକ ଆର୍ୟାନ(Aaryan) ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ର ସହିତ ବିଦୱାନ୍ସ ତାଙ୍କର ବଲିଉଡରେ ଡେବ୍ୟୁ କରୁଛନ୍ତି ।
ପ୍ରକାଶ ଥାଉ କି, ଆଗାମୀ ସମୟରେ କାର୍ତ୍ତିକ 'ଧମାକା' ରେ ନଜର ଆସିବେ ।
