ମୁମ୍ବାଇ: ଅଭିନେତ୍ରୀ କରୀନା କପୁର ଖାନ ସୋସିଆଲ ମିଡିଆରେ ବହୁତ ଆକ୍ଟିଭ ଅଛନ୍ତି । ନିକଟରେ କରୀନା ଗର୍ଭବତୀ ଥିବା ସମୟରେ ଦିଲ୍ଲୀରେ ତାଙ୍କର ଆଗାମୀ ଫିଲ୍ମ 'ଲାଲ ସିଂ ଚଡ୍ଡା'ର ସୁଟିଂ କରୁଥିଲେ । ତେବେ ବର୍ତ୍ତମାନ ତାଙ୍କ ସୁଟିଂ ଶେଷ ହୋଇଯାଇଛି ଏବଂ ସେ ଶୀଘ୍ର ମୁମ୍ବାଇ ଫେରିଯିବେ ।
କିଛି ଦିନ ପୂର୍ବରୁ କରୀନା ଅଭିନେତା ଆମିର ଖାନଙ୍କ ସହ ନିଜର ଏକ ଫଟୋ ସେୟାର କରି କହିଥିଲେ ଯେ ସେ 'ଲାଲ ସିଂ ଚଡ୍ଡା'ର ସୁଟିଂ ଶେଷ କରିଛନ୍ତି ।
ଏହି ଫଟୋ ସେୟାର କରି କରୀନା ଲେଖିଛନ୍ତି, ପ୍ରତ୍ୟେକ ଯାତ୍ରା ଶେଷ ହୋଇଥାଏ । ଆଜି ମୁଁ ଫିଲ୍ମ 'ଲାଲ ସିଂ ଚଡ୍ଡା'ର ସୁଟିଂ ଶେଷ କରିଛି । କଠିନ ସମୟ, ମହାମାରୀ,ଏବଂ ମୋର ଗର୍ଭଧାରଣ, କିନ୍ତୁ ସମସ୍ତ ସୁରକ୍ଷା ବ୍ୟବସ୍ଥା ସହିତ ଆମକୁ ସୁଟିଂ ଶେଷ କରିବାକୁ ପଡିଲା ।
ତେବେ ସୁଟିଂ ଶେଷ ହେବା ପରେ ମୁମ୍ବାଇ ଫେରିବାର ଆନନ୍ଦରେ ଅଭିନେତ୍ରୀ ନିଜ ଖୁସି ବ୍ୟକ୍ତ କରି ଇନଷ୍ଟାଗ୍ରାମରେ ପାଉଟ ସେଲଫି ସେୟାର କରିଛନ୍ତି । ଯାହା ସହିତ ସେ କ୍ୟାପସନରେ ଲେଖିଥିଲେ, "ଘରକୁ ଯିବାକୁ ନେଇ ଉତ୍ସାହିତ" ।
- " class="align-text-top noRightClick twitterSection" data="
">
ଆଗାମୀ ସମୟରେ କରୀନାଙ୍କ କରଣ ଜୋହରଙ୍କ ଫିଲ୍ମ 'ତଖ୍ତ' ରେ ନଜର ଆସିବେ ।
