ମୁମ୍ବାଇ: ବଲିଉଡ ସେଲିବ୍ରିଟି ସବୁବେଳେ ସୋସିଆଲ ମିଡିଆରେ ଆକ୍ଟିଭ ରୁହନ୍ତି । ଆଉ ସାମଜିକ ପ୍ରସଙ୍ଗ ଉପରେ ନିଜ ନିଜ ପ୍ରତିକ୍ରିୟା ଦେଉଥିବାର ମଧ୍ୟ ନଜର ଆସନ୍ତି । କିନ୍ତୁ ଏହି ଷ୍ଟାର୍ସଙ୍କ ମଧ୍ୟରେ ଏମିତି ଜଣେ ଅଭିନେତ୍ରୀ ଅଛନ୍ତି ଯେ ସୋସିଆଲ ମିଡିଆରେ ଆଦୌ ଆକ୍ଟିଭ ରୁହନ୍ତି ନାହିଁ । ସେ ଆଉ କେହି ନୁହେଁ ସେ ହେଲେ ବି-ଟାଉନର ବେବୋ କରୀନା କପୁର ଖାନ ।
- " class="align-text-top noRightClick twitterSection" data="
">
ସେ ସକ୍ରିୟ ନରହିବା ସତ୍ତ୍ବେ ମଧ୍ୟ ତାଙ୍କର ଫଟୋ କିନ୍ତୁ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଇତିମଧ୍ୟରେ ସାମ୍ନାକୁ ଆସିଛି ତାଙ୍କ ପିଲାବେଳେର ଗୋଟିଏ ପୁରୁଣା ଫଟୋ । ଏହି ଫଟୋଟିକୁ କରୀନା ଫ୍ୟାନକ୍ଲବ ଦ୍ବାରା ଇନଷ୍ଟାଗ୍ରାମରେ ସେୟାର କରାଯାଇଛି । ବେବି କରୀନାଙ୍କ ଏହି ଫଟୋକୁ ବର୍ତ୍ତମାନ ଫ୍ୟାନ୍ସ ଖୁବ୍ ପସନ୍ଦ କରିବାରେ ଲାଗିଛନ୍ତି ।
ଭାଇରାଲ ହେଉଥିବା ଏହି ଫଟୋରେ ଫ୍ୟାନକ୍ଲବ ଲେଖିଛି, "ବ୍ଲାକ ଆଣ୍ଡ ହ୍ବାଇଟ ଏଡିଶନ, ପିଲାବେଳେର ସ୍ମୃତି ।" ପ୍ରକାଶ ଥାଉକି ନିକଟରେ କରୀନା ଟେଲିଭିଜନ ଜଗତରେ ଡେବ୍ୟୁ କରିଛନ୍ତି ।
ଆଜିକାଲି କରୀନା ଡାନ୍ସ ରିୟାଲିଟି ଶୋ 'ଡାନ୍ସ ଇଣ୍ଡିଆ ଡାନ୍ସ'ରେ ଜଜ ରୂପେ ନଜର ଆସୁଛନ୍ତି । ଏହାମଧ୍ୟ ଶୁଣିବାକୁ ମିଳୁଛି ଯେ ଖୁବଶୀଘ୍ର ତାଙ୍କ ବଡ ଭଉଣୀ କରିସ୍ମା କପୁର ତାଙ୍କୁ ରିପ୍ଲେସ କରିବାକୁ ଯାଉଛନ୍ତି । ଖାଲି ଏତିକି ନୁହେଁ କରୀନା କପଲ ରିୟାଲିଟ ଡାନ୍ସ ଶୋ 'ନଚ ବଲିଏ'ରେ ମଧ୍ୟ ଜଜ ଭୂମିକାରେ ନଜର ଆସିବେ । ଏହି ଶୋର ପ୍ରଯୋଜନା ଦାୟିତ୍ବ ସମ୍ଭାଳୁଛନ୍ତି ସଲମାନ ଖାନ ।
