ହାଇଦ୍ରାହାଦ: ବଲିଉଡ ଅଭିନେତ୍ରୀ କଙ୍ଗନା ରଣାଓ୍ବତ ରବିବାର ବିଳମ୍ବିତ ରାତିରେ ରିଆଲିଟି ସୋ 'ଲକ୍ ଅପ୍'ର ହୋଷ୍ଟ ଭାବରେ ତାଙ୍କର ଡିଜିଟାଲ୍ ଡେବ୍ୟୁ କରିଥିଲେ। ଶୋ’ର ଶୁଭାରମ୍ଭ ଅବସରରେ ଜାରି ହୋଇଥିବା ଏକ ବୟାନରେ ସେ କହିଛନ୍ତି ଯେ ମୋର ଡିଜିଟାଲ୍ ଡେବ୍ୟୁ ଦୁଇଟି ପ୍ରମୁଖ OTT ପ୍ଲାଟଫର୍ମ, ALTBalaji ଏବଂ MX ପ୍ଲେୟାରରେ ଏକ ନିଆରା ଏବଂ ଆକର୍ଷଣୀୟ ଧାରା ସହିତ ହେଉଛି । ବଲିଉଡର ଲୋକପ୍ରିୟ ଅଭିନେତ୍ରୀ ରବୀନା ଟଣ୍ଡନ୍ ମଧ୍ୟ ଏହି ସୋ'ରେ ଏକ ବିଶେଷ ଅତିଥି ଭାବେ ନଜର ଆସିଛନ୍ତି।
- " class="align-text-top noRightClick twitterSection" data="
">
'ଲକ୍ ଅପ୍' ରେ 13 ଜଣ ଲୋକପ୍ରିୟ ସେଲିବ୍ରିଟି ପ୍ରତିଯୋଗୀ କଙ୍ଗନା ରଣାଓ୍ବତ ଜେଲରେ 72 ଦିନ ଧରି ମୌଳିକ ସୁବିଧା ପାଇଁ ପ୍ରତିଦ୍ୱନ୍ଦ୍ୱିତା କରିବେ । ଏହି ବନ୍ଦୀମାନଙ୍କ ମଧ୍ୟରେ ନିଶା ରାୱଲ, ମୁନାୱାର ଫାରୁକି, ପୁନମ ପାଣ୍ଡେ, କରଣଭୀର ବୋହରା ଏବଂ ବବିତା ଫୋଗଟ ଅଛନ୍ତି।
ତାଙ୍କ ବୟାନରେ କଙ୍ଗନା କହିଛନ୍ତି ଯେ, ଦର୍ଶକମାନେ ମୋ ଜେଲରେ 13 ଟି ବିବାଦୀୟ ବ୍ୟକ୍ତିବିଶେଷଙ୍କ ଜୀବନ ଦେଖିବେ, ଯେଉଁଠାରେ ସେମାନେ ଖତରନାକ ଖେଳ ଖେଳିବେ। ଏହି ଶୋ ବିଷୟରେ ଏକତା କପୁର କହିଛନ୍ତି ଯେ ପ୍ରତିଭାବାନ ତଥା ଗତିଶୀଳ କଙ୍ଗନାଙ୍କ ଦ୍ୱାରା ଆୟୋଜିତ ଭାରତର ସବୁଠୁ ବଡ ରିଆଲିଟି ସୋ 'ଲକ୍ ଅପ୍' ସମସ୍ତଙ୍କ ହୋସ ଉଡାଇବ।
ରବୀନାଙ୍କ ପ୍ରଂଶସା କରି କଙ୍ଗନା କହିଛନ୍ତି, ଆପଣଙ୍କ ଗୀତ ଟିପ ଟିପ ବର୍ଷା ପାନୀର ରିମିକ୍ସ ଯିଏ ଯେତେ ବା କରୁ, ଆପଣଙ୍କ ସାମ୍ନାରେ କିଛି ବି ନୁହେଁ। କଙ୍ଗନାଙ୍କ ଏହି ନିଶାନ ସିଧାସଳଖ କ୍ୟାଟ୍ରିନା କୈଫଙ୍କ ପାଇଁ ଥିଲା । ତେବେ ଫିଲ୍ମ 'ସୂର୍ଯ୍ୟବଂଶୀ' ରେ କ୍ୟାଟ୍ରିନା କୈଫ୍ ଟିପ୍-ଟିପ୍ ବର୍ଷା ପାନୀ ଗୀତର ରିମିକ୍ସରେ ଡ୍ୟାନ୍ସ କରିଛନ୍ତି । ଏଥି ସହିତ, ରବୀନା ଟଣ୍ଡନ୍ କଙ୍ଗନାଙ୍କୁ ମଧ୍ୟ ପ୍ରଶଂସା କରି କହିଛନ୍ତି, 'ଶବ୍ଦ ମାଧ୍ୟମରେ ଚାପୁଡ଼ା ମାରିବାର ଶୈଳୀ କେବଳ କଙ୍ଗନା ଦ୍ବାରା କରାଯାଇପାରିବ'।
ବ୍ୟୁରୋ ରିପୋର୍ଟ, ଇଟିଭି ଭାରତ
