ମୁମ୍ବାଇ: ପିଲାଦିନର ସ୍ମୃତିକୁ ମନେ ପକାଇଛନ୍ତି ବଲିଉଡ଼ ଅଭିନେତ୍ରୀ କଙ୍ଗନା ରଣାୱତ । ହିମାଚଳପ୍ରଦେଶରେ ଥିବା ନିଜ ସ୍କୁଲକୁ ଯିବା ସମୟର ଫଟୋକୁ ସେ ସୋସିଆଲ ମିଡ଼ିଆରେ ସେୟାର କରିଛନ୍ତି । ଏହି ଫଟୋ ତାଙ୍କର ମାଉଣ୍ଟେନ ଗର୍ଲଠୁ ବଲିଉଡ଼ର ସୁନାମଧନ୍ୟ ଅଭିନେତ୍ରୀର ଯାତ୍ରାକୁ ବଖାଣୁଛି ।
- " class="align-text-top noRightClick twitterSection" data="
">
କଙ୍ଗନା ପିଲାଦିନର ଏହି ଫଟୋକୁ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଫଟୋରେ ସେ ସ୍କୁଲ ୟୁନିଫର୍ମରେ ନିଜ ସାଙ୍ଗ ସହିତ ପୋଜ ଦେଇଛନ୍ତି । ଏହି ଫଟୋ ୧୯୯୮ ମସିହାର ହିମାଚଳପ୍ରଦେଶର ଏକ ଛୋଟ ବିଦ୍ୟାଳୟ ପରିସରର ଫଟୋ ବୋଲି କଙ୍ଗନା କ୍ୟାପସନରେ ଲେଖିଛନ୍ତି । ଅନ୍ୟ ଏକ ଫଟୋରେ ଲିଟଲ କଙ୍ଗନା ଗୋଲାପୀ ଓ ସବୁଜ ରଙ୍ଗର ଲେହେଙ୍ଗା ପିନ୍ଧିଥିବା ଦେଖିବାକୁ ମିଳିଛି । ତେବେ ସେ ସ୍କୁଲ ପିକନିକରେ ଏକ ମନ୍ଦିର ପରିସରରେ ଠିଆ ହୋଇଛନ୍ତି ବୋଲି କହି ଖୁସିବ୍ୟକ୍ତ କରିଛନ୍ତି ।
କଙ୍ଗନାଙ୍କ କାମ ସମ୍ପର୍କରେ ଆଲୋଚନା କଲେ ସେ ମଣିକର୍ଣ୍ଣିକା ରିଟର୍ଣ୍ଣସରେ ଆଗକୁ ନଜର ଆସିବେ । ଏହାସହିତ ଏମରଜେନ୍ସି, ଧାକ୍କଡ ଓ ତେଜସରେ ନଜର ଆସିବେ । ଏହାସହିତ କଙ୍ଗନା ଆଗାମୀ ଫିଲ୍ମ 'ସୀତା'ରେ ମାଆ ସୀତା ଚରିତ୍ରରେ ନଜର ଆସିବେ । ଏହି ପୌରାଣିକ କାହାଣୀ ଉପରେ ଆଧାରିତ ଫିଲ୍ମକୁ ଅଲୌକିକ ଦେଶାଇ ନିର୍ଦ୍ଦେଶନା ଦେଇଥିବା ବେଳେ ଏହାକୁ ୫ଟି ଭାଷା ହିନ୍ଦୀ, ତାମିଲ, ତେଲୁଗୁ, ମାଲାୟାଲାମ ଓ କନ୍ନଡ ଭାଷାରେ ରିଲିଜ କରାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
