ମୁମ୍ବାଇ: ରିଲିଜ ହୋଇଛି କଙ୍ଗନା ରଣାୱତ ଏବଂ ରାଜକୁମାର ରାଓ ଷ୍ଟାରର ଫିଲ୍ମ 'ଜଜ୍ ମେଣ୍ଟାଲ ହୈ କ୍ୟା'। ଅନେକ ବିବାଦ ପରେ ରିଲିଜ ହୋଇଛି ଏହି ଫିଲ୍ମ । ସେଲିବ୍ରିଟିଙ୍କଠାରୁ ଆରମ୍ଭ କରି କ୍ରିଟିକ୍ସ ପର୍ଯ୍ୟନ୍ତ ସମସ୍ତେ ଫିଲ୍ମକୁ ଦେଇଛନ୍ତି ଭଲ ରେସପନ୍ସ । ଫାଷ୍ଟ ଡେ ରେ ଫିଲ୍ମ 4 କୋଟି କଲେକ୍ସନ କରିବା ନେଇ ଆକଳନ କରାଯାଉଛି ।
ତେବେ ଯେଉଁଭଳି ଭାବେ ଫିଲ୍ମକୁ ପସନ୍ଦ କରାଯାଉଛି, ତାହା ବକ୍ସ ଅଫିସରେ ଖୁବ୍ ଭଲ ପ୍ରଦର୍ଶନ କରିବା ନେଇ ମଧ୍ୟ ଆଶା କରାଯାଉଛି । ଏହି ଫିଲ୍ମ କେବଳ ନିଜର ଫାଷ୍ଟ ଡେ କଲେକ୍ସନ ନୁହେଁ ଉଇକେଣ୍ଡ କଲେକ୍ସନ ମଧ୍ୟ ଭଲ ରହିବ ।
ଏଠାରେ ସୂଚନାଯୋଗ୍ୟ 'ଜଜ୍ ମେଣ୍ଟାଲ ହୈ କ୍ୟା' ଫିଲ୍ମରେ କଙ୍ଗନା ଓ ରାଜକୁମାର ମାନସିକ ରୋଗୀ ଚରିତ୍ରରେ ନଜର ଆସିଛନ୍ତି । ଏହା ପୂର୍ବରୁ ମଧ୍ୟ ଦୁହେଁ କୁଇନ ଫିଲ୍ମ ଜରିଆରେ ପରଦାରେ ଏକାଠି ନଜର ଆସି ସାରିଛନ୍ତି ।
