ହାଇଦ୍ରାବାଦ: ଆରକେ ଷ୍ଟୁଡିଓ ପରେ ଏବେ ‘କମଲିସ୍ଥାନ ଷ୍ଟୁଡିଓ’ର ପାଳି । ଖୁବ ଶୀଘ୍ର ବିକ୍ରି ହେଉଛି କମଲିସ୍ଥାନ ଷ୍ଟୁଡିଓ । 60ବର୍ଷ ପୁରୁଣା ଏହି ଷ୍ଟୁଡିଓରେ ବହୁ କ୍ଲାସିକାଲ ଫିଲ୍ମ ସୁଟିଂ ହୋଇଛି । ତେବେ ବହୁତ ଜଲଦି ଏଠି ତିଆରି ହେବ ଭାରତର ବୃହତ କର୍ପୋରେଟ ଅଫିସ ।
ମୁମ୍ବାଇର ଜୋଗେସ୍ବର ଅଞ୍ଚଳରେ ଥିବା ଏହି ଷ୍ଟୁଡିଓରେ ‘ପାକିଜା’ ଓ ‘ରଜିୟା ସୁଲତାନ’ ଭଳି ଫିଲ୍ମ ନିର୍ମାଣ କରାଯାଇଛି । 15 ଏକରର ଏହି ଷ୍ଟୁଡିଓକୁ ଡିବି ରିଆଲିଟି ଓ ବେଙ୍ଗାଲୁରୁର ଆରଏମଜେଡ୍ କର୍ପୋରେସନ ଏହାକୁ 21,000କୋଟି ଟଙ୍କା ଖର୍ଚ୍ଚ କରି ଏହି ଜମିକୁ ବିକଶିତ କରିବ ।
ତେବେ କମଲିସ୍ଥାନ ଷ୍ଟୁଡିଓର ଫାଉଣ୍ଡର କମାଲ ଅମରୋହି 1958ରେ ଏହାକୁ ସ୍ଥାପନା କରିଥିଲେ । ଏଠାରେ ‘ଅମର ଆକବର ଆନ୍ଥୋନି’, ‘କାଲିଆ’, ‘ମହଲ’ ଭଳି ଫିଲ୍ମର ସୁଟିଂ କରାଯାଇଛି । ଏହା ମୁମ୍ବାଇର ଦ୍ବିତୀୟ ଐତିହାସିକ ଷ୍ଟୁଡିଓ ।
ପ୍ରକାଶଥାଉକି, ଆରକେ ଷ୍ଟୁଡିଓକୁ ଗୋଦରେଜ ପ୍ରପୋଟିଜ ଲିମିଟେଡ 500କୋଟି ଟଙ୍କାରେ କିଣି ନେଇଥିଲେ । ଆରକେ ଷ୍ଟୁଡିଓକୁ ରାଜ କପୁର 1948ରେ ସ୍ଥାପନା କରିଥିଲେ ।
