ହାଇଦ୍ରାବାଦ: ଚଳଚ୍ଚିତ୍ର 'ସିଘଂମ୍' ଫେମ୍ ଅଭିନେତ୍ରୀ କାଜଲ ଅଗ୍ରୱାଲ ଆଜିକାଲି ତାଙ୍କ ଗର୍ଭଧାରଣ ସମୟକୁ ଉପଭୋଗ କରୁଛନ୍ତି । ଗତ ବର୍ଷ ଅଭିନେତ୍ରୀଙ୍କ ଗର୍ଭବତୀ ହେବାର ଖବର ସାମ୍ନାକୁ ଆସିଥିଲା। ଏହାପୂର୍ବରୁ, ନୂଆ ବର୍ଷ ଅବସରରେ ପରିବାର ସହିତ ତାଙ୍କ ବେବି ବମ୍ପ ସମସ୍ତଙ୍କ ଆଖିରେ ପଡିଥିଲା । ଗର୍ଭାବସ୍ଥା ପରଠାରୁ କାଜଲ ଅଗ୍ରୱାଲ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କ ସହ ଯୋଡି ହୋଇ ରହିଛନ୍ତି । କାଜଲ ଖୁବ୍ ଶୀଘ୍ର ତାଙ୍କ ପ୍ରଶଂସକଙ୍କୁ ଖୁସି ଖବର ଦେବାକୁ ଯାଉଛନ୍ତି । ବର୍ତ୍ତମାନ ଅଭିନେତ୍ରୀ ସୋସିଆଲ ମିଡିଆରେ ନିଜ ବେବି ବମ୍ପର ଆଉ ଏକ ସୁନ୍ଦର ଫଟୋ ସେୟାର କରିଛନ୍ତି ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମ ଆକାଉଣ୍ଟରେ ସ୍ବାମୀ ଗୌତମ କିଚଲୁଙ୍କ ସହ କାଜଲ ଅଗ୍ରୱାଲ ଏକ ସୁନ୍ଦର ଫଟୋ ସେୟାର କରିଛନ୍ତି । ଏହି ସୁନ୍ଦର ଫଟୋଟି ବ୍ଲାକ ଆଣ୍ଡ ହ୍ବାଇଟ (monochrome) ଦେଖିବାକୁ ମିଳିଛି । ଏହି ଫଟୋରେ, କାଜଲ ସ୍ବାମୀ ଗୌତମଙ୍କ ସହ ବହୁତ ଖୁସି ଦେଖାଯାଉଛନ୍ତି । ଏହି ସମୟରେ, ଗୌତମଙ୍କ କୋଳରେ ଏକ ସୁନ୍ଦର ଛୋଟ କୁକୁର ଛୁଆ ମଧ୍ୟ ଅଛି । ଏହି ଫଟୋରେ କାଜଲଙ୍କ ଖୁସିର ଝଲକ ସ୍ପଷ୍ଟ ଦେଖାଯାଉଛି । ଏହି ଫଟୋ ଶେୟାର କରି କାଜଲ ଲେଖିଛନ୍ତି, 'This is us' ।
କାଜଲଙ୍କ ସ୍ବାମୀ ଗୌତମ କିଚଲୁ ମଧ୍ୟ ଏହି ଫଟୋ ନିଜ ଇନ୍ଷ୍ଟାରେ ସେୟାର କରିଛନ୍ତି। ସେ ମଧ୍ୟ ଏହି କ୍ୟାପସନ ଦେଇଛନ୍ତି। କାଜଲଙ୍କ ଫ୍ୟାନ୍ସ ଏହି ଫଟୋରେ ଜମେଇକି କମେଣ୍ଟ ଦେଉଛନ୍ତି । ଏହାପୂର୍ବରୁ କାଜଲ ଏକ ଭିଡିଓ ସେୟାର କରି ଲେଖିଥିଲେ, 'ଏ ବର୍ଷ ମୁଁ ମୋର ଆଗାମୀ ଶିଶୁକୁ ଭେଟିବାକୁ ନେଇ ଅପେକ୍ଷା କରିଛି ଏବଂ ବହୁତ ଉତ୍ସାହିତ ଅଛି।'
ବ୍ୟୁରୋ ରିପୋର୍ଟ, ଇଟିଭି ଭାରତ
