ହାଇଦ୍ରାବାଦ: ବଲିଉଡ ସାଉଥ ଅଭିନେତ୍ରୀ କାଜଲ ଅଗ୍ରୱାଲ ଏବଂ ଗୌତମ କିଚଲୁଙ୍କ ଘରକୁ ଖୁବ୍ ଶୀଘ୍ର ଆସିବେ କୁନି ଅତିଥି । କିଛି ମାସ ପୂର୍ବରୁ, କାଜଲ ଅଗ୍ରୱାଲ ତାଙ୍କ ଗର୍ଭଧାରଣ ଖବର ସୋସିଆଲ ମିଡିଆରେ ପ୍ରଶଂସକଙ୍କ ସହ ସେୟାର କରିଥିଲେ । ବର୍ତ୍ତମାନ କାଜଲ ଅଗ୍ରୱାଲଙ୍କ ଗୋଦ ଭରାଇ ରସମ ପୂରା ହୋଇଛି । ଅଭିନେତ୍ରୀ ଇନଷ୍ଟାଗ୍ରାମ ଷ୍ଟୋରୀ ମାଧ୍ୟମରେ ଗୋଦ ଭରାଇର ଏକ ଛୋଟ ଝଲକ ସେୟାର କରିଛନ୍ତି ।
ବେବି ସାୱର ଅବସରରେ କାଜଲ ଅଗ୍ରୱାଲ ଲାଲ ରଙ୍ଗର ଶାଢୀ ପିନ୍ଧିଥିବାର ନଜର ଆସିଥିଲେ । କାଜଲଙ୍କ ମୁହଁରେ ଖୁସି ଏବଂ ଚମକ ଦେଖିବାକୁ ମିଳିଥିଲା । ଜୀବନର ବିଶେଷ ଦିନରେ ତାଙ୍କ ସ୍ବାମୀ ଗୌତମ ତାଙ୍କ ସହ ବସିଥିବାର ନଜର ଆସିଛନ୍ତି । ବେବି ସାୱର ସମାରୋହରେ ପରିବାର ଏବଂ କିଛି ଘନିଷ୍ଠ ବନ୍ଧୁ ଯୋଗ ଦେଇଥିଲେ । ସମସ୍ତ ରୀତିନୀତି ପୂରା ହେବା ପରେ କାଜଲ ଏବଂ ଗୌତମ ମଧ୍ୟ ଫଟୋ କ୍ଲିକ୍ କରୁଥିବା ଦେଖାଯାଇଥିଲା ।
ଏହା ବି ପଢନ୍ତୁ: ମାଆ ହେବେ କାଜଲ, ସେୟାର କଲେ ଫଟୋ
ବେବି ସାୱରରେ ଯୋଗ ଦେଇଥିବା ଲୋକମାନେ ଏହି ଫଟୋରେ କାଜଲଙ୍କୁ ଟ୍ୟାଗ୍ କରିଛନ୍ତି, ଯାହା କାଜଲ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଛନ୍ତି । ଏହି ଖୁସିର ଫଟୋ ଗୁଡ଼ିକ ଦେଖିବା ଏବେ କେବଳ ଅପେକ୍ଷା ରହିଛି, କାଜଲଙ୍କ ଘରେ କୁନି ଅତିଥିଙ୍କ ଆଗମନକୁ । କାଜଲ ଏବଂ ଗୌତମଙ୍କ ସୁଖ ଦେଖି ଲାଗୁଛି ଯେ ସେମାନେ ମଧ୍ୟ ଏହି ମୁହୂର୍ତ୍ତକୁ ଉତ୍ସାହର ସହିତ ଅପେକ୍ଷା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
