ମୁମ୍ବାଇ: ଫେମସ କମେଡି ଅଭିନେତା ଜନି ଲିଭର ଶାନଦାର ଅଭିନୟ ଏବଂ କମେଡି ପାଇଁ ଲୋକପ୍ରିୟତା ହାସିଲ କରିଛନ୍ତି। ଯେବେ ସେ ସ୍କ୍ରିନରେ ଆସନ୍ତି ଦର୍ଶକ ନିଜ ହସ ରୋକିପାରନ୍ତି ନାହିଁ । ଇତିମଧ୍ୟରେ ସେ ପପୁଲାର ଆପ ଟିକ ଟକରେ ଡେବ୍ୟୁ କରିଛନ୍ତି। ବର୍ତ୍ତମାନ ସୋସିଆଲ ମିଡିଆରେ ତାଙ୍କ ପ୍ରଥମ ଟିକ ଟକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି।
ସେ ନିଜ ଝିଅ ଜ୍ୟାମି ଲିଭରଙ୍କ ସହ ମିଶି ଏହି ଭିଡିଓ ନିର୍ମାଣ କରିଛନ୍ତି। ଭିଡିଓରେ ବାପା-ଝିଅ ନିଜ ଅଭିନୀତ ଫିଲ୍ମର କମେଡି ଡାଇଲଗ ଲିପସିଂ କରୁଥିବାର ଦେଖାଯାଉଛନ୍ତି । ଜନି ଅଭିନେତା ପରେଶ ରାୱଲଙ୍କ ଅଭିନୟ କରୁଥିବା ବେଳେ ଜ୍ୟାମି ତାଙ୍କ ଅଭିନୟ କରୁଛନ୍ତି । ଏହି ମଜାଦାର ଭିଡିଓକୁ ଖୁବ୍ ପସନ୍ଦ କରିଛନ୍ତି ଫ୍ୟାନ୍ସ । ଆପଣ ମଧ୍ୟ ଦେଖନ୍ତୁ ବାପା-ଝିଅଙ୍କ ଦମଦାର କମେଡି...
ଭିଡିଓଟିକୁ ଟ୍ବିଟରେ ସେୟାର କରି ଜନି ଲେଖିଛନ୍ତି, ‘ମୋ ଝିଅ ଜ୍ୟାମି ଲିଭର ଏହା ମୋ ପାଇଁ ତିଆରି କରିଛନ୍ତି । ଆଉ ବର୍ତ୍ତମାନ ମୁଁ ଏହା ଆପଣଙ୍କ ପାଇଁ କରିଛି ବାପୁ ପରେଶ ରାୱଲ।’ ର୍ସେପଟେ ପରେଶ ମଧ୍ୟ ଏହି ଭିଡିଓ ଉପରେ ପ୍ରତିକ୍ରିୟା ରଖିଛନ୍ତି । ସେ ଟ୍ବିଟ କରି ଲେଖିଛନ୍ତି, ‘ଧନ୍ୟବାଦ ଜନି ଭାଇ, ଆପଣ ସବୁବେଳେ ମୋ ଫେଭରେଟ।’
