ନୂଆଦିଲ୍ଲୀ: ବର୍ତ୍ତମାନ 'ଧଡକ' ଅଭିନେତ୍ରୀ ଜାହ୍ନବୀ କପୁରଙ୍କ ହାତରେ ଅନେକ ଫିଲ୍ମ ରହିଛି । ସେ ଖୁବ୍ଶୀଘ୍ର ଆଉ ଏକ ଫେସମ ନିର୍ମାତାଙ୍କ ସହ କାମ କରିବାକୁ ଯାଉଛନ୍ତି । ସେ ନିର୍ମାତା ଦିନେଶ ବିଜାନଙ୍କ ଆଗାମି ଫିଲ୍ମ 'ରୁହ-ଅଫ୍ଜା'ରେ ଅଭିନେତା ରାଜକୁମାର ଓ ବରୁଣ ଶର୍ମାଙ୍କ ସହ ନଜର ଆସିବେ ।
ଦିନେଶ ଏକ ବୟାନରେ କହିଛନ୍ତି କି 'ରୁହ-ଅଫ୍ଜା' ପାଇଁ ଆମକୁ ଏମିତି ଅଭିନେତ୍ରୀର ଆବଶ୍ୟକ ଥିଲା, ଯିଏ ନିଜ ଭୂମିକାରେ ସହଜରେ ମିଶିଯାଉଥିବ । ରାଜକୁମାର ଓ ବରୁଣ ଶାନଦାର ଅଭିନେତା । ଦୁଇଜଣ ନିଜ ନିଜ ଅନ୍ଦାଜରେ ଜବରଦସ୍ତ କମେଡି କରିଥାଆନ୍ତି ।
ଏହି ଫିଲ୍ମରେ ଜାହ୍ନବୀ ଅଫସାନା ଚରିତ୍ରରେ ନଜର ଆସିବେ । ଷ୍ଟାରକାଷ୍ଟ ଚୟନ ସମୟରେ ଜାହ୍ନବୀ ହିଁ ଏହି ରୋଲ ପାଇଁ ଫିଟ୍ ନଜର ଆସିଥିଲେ ।
ଦିନେଶ ଏବଂ ମୃଗଦୀପ ସିଂହ ଲାମ୍ବା ନିର୍ମାତାଙ୍କ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବେ ନିର୍ଦ୍ଦେଶକ ହାର୍ଦ୍ଦିକ ମେହତା । ଫିଲ୍ମର ସୁଟିଂ ଉତ୍ତର ପ୍ରଦେଶରେ ଆସନ୍ତା ଜୁନରେ ଆରମ୍ଭ ହେବାକୁ ଯାଉଛି । ସେହିପରି ଫିଲ୍ମ ରିଲିଜ ତାରିଖ ଆସନ୍ତା ବର୍ଷ ମାର୍ଚ୍ଚ 20 ରଖାଯାଇଛି ।
ପ୍ରକାଶ ଥାଉକି ବର୍ତ୍ତମାନ ଜାହ୍ନବୀ ଭାରତୀୟ ବାୟୁସେନା ମହିଳା ଯୁଦ୍ଧ ପାଇଲଟ ଗୁଞ୍ଜନ ସକ୍ସେନାଙ୍କ ବାୟୋପିକରେ ଖୁବ୍ ବ୍ୟସ୍ତ ଅଛନ୍ତି । ପାଇଲଟ ଗୁଞ୍ଜନ 1999କାରଗିଲ ଯୁଦ୍ଧରେ ପ୍ରମୁଖ ଭୁମିକା ନେଇଥିଲେ । ଫିଲ୍ମରେ ଜାହ୍ନବୀଙ୍କ ଭିନ୍ନ ଲୁକ ଦେଖିବାକୁ ମିଳିବ ।
