ହାଇଦ୍ରାବାଦ: ନିକଟରେ ଶିବାନୀ ଦାଣ୍ଡେକର ଏବଂ ଫରହାନ୍ ଅଖତର ଫେବୃଆରୀ 19ରେ ଖଣ୍ଡାଲାରେ ଜାଭେଦ୍ ଅଖତର-ଶବାନା ଆଜମିଙ୍କ ଫାର୍ମହାଉସରେ ବିବାହ କରିଥିଲେ। ବିବାହ ପରେ ସେମାନଙ୍କର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ତେବେ କିଛି ଫଟୋକୁ ଦେଖିବା ପରେ ତାଙ୍କ ପ୍ରଶଂସକମାନେ କଳ୍ପନାଜଳ୍ପନା କରିବା ଆରମ୍ଭ କରିଦେଇଥିଲେ। ପରେ ଗୁଜବ ଉଠିଥିଲା କି ଶିବାନୀ ଗର୍ଭବତୀ ଅଛନ୍ତି। ଶେଷରେ ଏହି ଗୁଜବକୁ ନେଇ ମୁହଁ ଖୋଲିଛନ୍ତି ଶିବାନୀ ଏବଂ ଏହାକୁ ନିଜ ଅନ୍ଦାଜରେ ଖଣ୍ଡନ କରିଛନ୍ତି ।
ଶିବାନୀ ନିଜ ଇନ୍ଷ୍ଟା ଷ୍ଟୋରୀରେ ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ସେ ସ୍ଲିମ ଫିଗରରେ ନଜର ଆସିଛନ୍ତି। ଏହା ସହିତ ସେ ଲେଖିଛନ୍ତି, 'ମୁଁ ଜଣେ ମହିଳା, ମୁଁ ଗର୍ଭବତୀ ନୁହେଁ, ଏହା ଟକୀଲା ଥିଲା।' ପୁନେରେ ଜନ୍ମିତ ଶିବାନୀ, ଯିଏକି ରଣବୀର କପୁରଙ୍କ ଅଭିନୀତ 2015 ଚଳଚ୍ଚିତ୍ର 'ରୟ'ରେ ଅଭିନୟ କରିଥିଲେ। ଏହାପରେ ଅଷ୍ଟ୍ରେଲିଆ ଏବଂ ଆଫ୍ରିକାରେ ବଢିଥିଲେ। ସେ ଜଣେ ଗାୟିକା ମଧ୍ୟ। ସେ ଏବଂ ତାଙ୍କ ଦୁଇ ଭଉଣୀଙ୍କର ଡି-ମେଜର ନାମକ ଏକ ବ୍ୟାଣ୍ଡ ଥିଲା । ଶିବାନୀ ଜଣେ ମଡେଲ ।
ଏହା ବି ପଢନ୍ତୁ: ହାତରେ ହାତ ରଖି ଶିବାନୀଙ୍କ ସହ ରୋମାଣ୍ଟିକ ଫଟୋ ସେୟାର କଲେ ଫରହାନ
ଦୀର୍ଘ ଦିନ ଧରି ପରସ୍ପରକୁ ଡେଟ କରିବା ପରେ ବଲିଉଡର ପାୱାର କପଲ ଫରହାନ ଅଖତର-ଶିବାନୀ ଦାଣ୍ଡେକର ଫେବୃଆରୀ 19ରେ ବିବାହ କରିଥିଲେ । ପରିବାର, ସମ୍ପର୍କୀୟ, ବନ୍ଧୁ ଏବଂ ବଲିଉଡ ସେଲିବ୍ରିଟିଙ୍କ ମଧ୍ୟରେ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ଫରହାନ ଶିବାନୀଙ୍କୁ ବିବାହ କରିଥିଲେ । ବିବାହ ପରଠୁ ଫରହାନ ଏବଂ ଶିବାନୀ ପ୍ରତିଟି ମୁହୂର୍ତ୍ତକୁ ଏକାଠି ଉପଭୋଗ କରୁଛନ୍ତି। ସୋସିଆଲ ମିଡିଆରେ ମଧ୍ୟ ଦୁହେଁ ସୁନ୍ଦର ସୁନ୍ଦର ଫଟୋ ସେୟାର କରୁଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
