ମୁମ୍ବାଇ: ସୁପରଷ୍ଟାର ଅକ୍ଷୟ କୁମାରଙ୍କ ମଲ୍ଟି ଷ୍ଟାରର ଫିଲ୍ମ 'ମିଶନ ମଙ୍ଗଲ'ର ଟିଜର ରିଲିଜ ହୋଇସାରିଛି । ଫିଲ୍ମରେ ଅକ୍ଷୟ ବୈଜ୍ଞାନିକ ରାକେଶ ଧାୱନଙ୍କ ଭୂମିକାରେ ନଜର ଆସୁଛନ୍ତି । ସୋସିଆଲ ମିଡିଆରେ ଫିଲ୍ମ ଟିଜରକୁ ଖୁବ୍ ପସନ୍ଦ କରାଯାଉଛି । 'ମିଶନ ମଙ୍ଗଲ' ଟିଜର ଉପରେ ଏବେ (ଇଣ୍ଡିଆନ ସ୍ପେସ ରିସର୍ଚ ଅର୍ଗାନାଇଜେଶନ) ଇସ୍ରୋରେ ମଧ୍ୟ ପ୍ରତିକ୍ରିୟା ଦେଖିବାକୁ ମିଳୁଛି ।
ଇସ୍ରୋ ଅଫିସିଆଲ ଟ୍ବିଟର ହ୍ୟାଣ୍ଡଲରେ ଅକ୍ଷୟଙ୍କ ପୋଷ୍ଟ ଉପରେ କମେଣ୍ଟ କରି ଲେଖାଯାଇଛି, "ଗୋଟିଏ ଦେଶ, ଗୋଟିଏ ସ୍ବପ୍ନ, ଇଣ୍ଡିଆ ସ୍ପେସର ସୁପରପାୱର ହେବାକୁ ଯାଉଛି । ଚନ୍ଦ୍ରଯାନ-2ର ସ୍ବପ୍ନ ସାକାର ହେବାକୁ ଆଉ କମ ଦିନ ବାକି ଅଛି ।"
ପ୍ରକାଶ ଥାଉକି ଇସ୍ରୋ ଜୁଲାଇ 14ରେ ଚନ୍ଦ୍ରଯାନ-2 ଲଞ୍ଚ କରିବ । ସେପଟେ ଅକ୍ଷୟଙ୍କ ଏହି ଫିଲ୍ମ ଅଗଷ୍ଟ 15ରେ ରିଲିଜ ହେବ ।
'ମିଶନ ମଙ୍ଗଲ'ର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଜଗନ ଶକ୍ତି । ଅକ୍ଷୟଙ୍କ ବ୍ୟତୀତ ଫିଲ୍ମରେ ତାପସୀ ପନ୍ନୁ, ବିଦ୍ୟା ବାଲନ, ଶରମନ ଯୋଶୀ, କ୍ରିତି କୁଲ୍ହାରି, ସୋନାକ୍ଷୀ ସିହ୍ନା, ନିତ୍ୟା ମେନନ ମୁଖ୍ୟ ଭୂମିକାରେ ଦେଖାଯିବେ । ଫିଲ୍ମଟି ଭାରତର ଐତିହାସିକ ଘଟଣା ଉପରେ ଆଧାରିତ । ଯେଉଁଠାରେ ଭାରତର ସ୍ପେସ ମିଶନର ବାସ୍ତବ କାହାଣୀ ଦେଖିବାକୁ ମିଳିବ ।
