ହାଇଦ୍ରାବାଦ: ଆଇପିଏଲର ଫାଇନାଲ ମ୍ୟାଚରେ ଖୁବ ମସ୍ତି କରିଛନ୍ତି 'ଭାରତ'ର ଷ୍ଟାରକାଷ୍ଟ । ମ୍ୟାଚର ଆରମ୍ଭରୁ କମେଣ୍ଟ୍ରି ବକ୍ସରେ ଖାସ ଅତିଥି ଭାବରେ ଯୋଗ ଦେଇଥିଲେ ସଲମାନ ଖାନ, କ୍ୟାଟ୍ରିନା କୈଫ ଓ ସୁନୀଲ ଗ୍ରୋଭର ।
ତେବେ ପୂର୍ବ କ୍ରିକେଟର ଓ କମେଣ୍ଟଟେଟର ଇରଫାନ ପଠାନଙ୍କ ସହ କଥାବାର୍ତ୍ତା ବେଳେ ସଲମାନଙ୍କ ବିଷୟରେ ଏକ ରୋଚକପୂର୍ଣ୍ଣ କଥା ସାମ୍ନା କୁ ଆସିଛି । ଆଇପିଏଲରେ ଉଭୟ ସଲମାନ ଓ କ୍ୟାଟ୍ରିନା ମୁମ୍ବାଇ ଇଣ୍ଡିଆନ୍ସକୁ ସମର୍ଥନ କରୁଥିଲେ କିନ୍ତୁ ସଲମାନ, ମହେନ୍ଦ୍ର ସିଂ ଧୋନିଙ୍କୁ ପସନ୍ଦ କରନ୍ତି ।
ଏନେଇ ସଲମାନ କହିଛନ୍ତି, ମୁମ୍ବାଇର ଏକ କାର୍ଯ୍ୟକ୍ରମରେ ସେ ଧୋନିଙ୍କ ସହ ମିଶିଥିଲେ । ଧୋନି ଖେଳିଲା ବେଳେ ବେଶି ଉତ୍ତେଜିତ ହୁଅନ୍ତିନି । ସବୁବେଳେ ଶାନ୍ତ ରୁହନ୍ତି । ଯୁବ କ୍ରିକେଟର ମାନଙ୍କ ପାଇଁ ଧୋନି ପ୍ରେରଣା ବୋଲି କହିଛନ୍ତି ସଲମାନ ।
ତେବେ ଆଇପିଏଲର ଫାଇନାଲ ମ୍ୟାଚରେ ନିଜ ଫିଲ୍ମ ଭାରତର ପ୍ରମୋଶନ ପାଇଁ ପହଞ୍ଚିଥିଲେ ଷ୍ଟାରକାଷ୍ଟ । ମ୍ୟାଚର ଆରମ୍ଭରେ ପୂର୍ବ ଅଷ୍ଟ୍ରେଲିଆ କ୍ରିକେଟର ବ୍ରେଟ ଲି'ଙ୍କ ସହ ଲାଇଭ ନଜର ଆସିଥିଲେ ସଲମାନ ଓ କ୍ୟାଟ । ଏହି ସମୟରେ ଭାରତ ବିଷୟରେ ଅନେକ ରୋଚକ ତଥ୍ୟ ଦର୍ଶକଙ୍କ ସହ ସେୟାର କରିଥିଲେ । ଅନ୍ୟପକ୍ଷେ ବ୍ରେଟ ଲି' ସଲମାନ ଓ କ୍ୟାଟ୍ରିନାଙ୍କ ସହ ଏକ ଫଟୋ ନିଜ ଟ୍ବିଟରରେ ସେୟାର କରିଛନ୍ତି ।
