ମୁମ୍ବାଇ: କ୍ୟୁଟ କାର୍ତ୍ତିକ ଆର୍ୟନ ଓ ଚୁଲବୁଲି ସାରା ଅଲ୍ଲୀ ଖାନ ବଡ ପରଦାରେ ରୋମାନ୍ସ କରୁଥିବାର ନଜର ଆସିବେ । ଏହି ଯୋଡି ଫେମସ ନିର୍ମାତା ଇମତିଆଜ ଅଲ୍ଲୀଙ୍କ 'ଲଭ ଆଜ କଲର' ସିକ୍ବେଲ ଫିଲ୍ମରେ ଦେଖାଯିବେ । ଯାହାର ସୁଟିଂ ନିକଟରେ ଶେଷ କରିଛନ୍ତି କାର୍ତ୍ତିକ ଓ ସାରା । ଇତିମଧ୍ୟରେ ଇମିତାଆଜ ନିଜ ଫିଲ୍ମର ଟାଇଟଲ ବଦଳାଇ ଦେଇଛନ୍ତି । ସମସ୍ତେ ଅନ୍ଦାଜ ଲଗାଉଥିଲେ କି ଏହି ଫିଲ୍ମର ଟାଇଟଲ 'ଲଭ ଆଜ କଲ-2' ରଖାଯିବ । କିନ୍ତୁ ସୋସିଆଲ ମିଡିଆରେ କାର୍ତ୍ତିକ ଓ ସାରଙ୍କ ଗୋଟିଏ ଫଟୋ ସେୟାର କରି ଫିଲ୍ମର ଟାଇଟଲ ଉପରୁ ପରଦା ଉଠାଇଛନ୍ତି ସେ ।
ଇମତିଆଜ ଇନଷ୍ଟାଗ୍ରାମରେ କାର୍ତ୍ତିକ ଓ ସାରାଙ୍କ ଏକ ରୋମାଣ୍ଟିକ ଫଟୋ ସେୟାର କରି ଫିଲ୍ମର ଟାଇଟଲ ଘୋଷଣା କରିଛନ୍ତି । ଏବେ ଦର୍ଶକ ଫିଲ୍ମ 'ଲଭ ଆଜ କଲ-2' ନୁହେଁ 'ଆଜକଲ' ଦେଖିବେ । କାରଣ ଫିଲ୍ମର ଟାଇଟଲ 'ଆଜକଲ' ରଖିଛନ୍ତି ଇମତିଆଜ ।
ପ୍ରକାଶ ଥାଉକି କାର୍ତ୍ତିକ ଓ ସାରାଙ୍କ 'ଆଜକଲ' ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନ ଓ ଦୀପିକା ପାଦୁକୋନ ଷ୍ଟାରର 'ଲଭ ଆଜ କଲ'ର ସିକ୍ବେଲ ଫିଲ୍ମ ।
