ମୁମ୍ବାଇ: ଫିଲ୍ମ ନିର୍ମାତା ଇମତିଆଜ ଅଲ୍ଲୀ ସବୁବେଳେ ଭିନ୍ନ କାହାଣୀକୁ ନେଇ ଫିଲ୍ମ ନିର୍ମାଣ କରନ୍ତି। ଯାହା ତାଙ୍କୁ ଆଜି ସଫଳ କରିଛି। ତାଙ୍କ ଶାନଦାର ଫିଲ୍ମକୁ ସବୁବେଳେ ଦର୍ଶକ ଦେଖିବାକୁ ପସନ୍ଦ କରୁନ୍ତି। ସେ ‘ଜବ ୱି ମେଟ’, ‘ତମାଶା’, ‘ହାଈୱେ’, ‘ରକଷ୍ଟାର’, ‘ଲଭ ଆଜକଲ’ ଭଳି ହିଟ୍ ଫିଲ୍ମ ବଲିଉଡକୁ ଦେଇଛନ୍ତି। ଏବେ ସେ ନିଜର ଆଗାମୀ ପ୍ରୋଜେକ୍ଟକୁ ନେଇ ଚର୍ଚ୍ଚାରେ। ସେ ‘ଲଭ ଆଜକଲ’ର ସିକ୍ବେଲ ଫିଲ୍ମ ‘ଆଜକଲ’ ନିର୍ମାଣ କରିବାରେ ବ୍ୟସ୍ତ। ଫିଲ୍ମରେ ସାରା ଅଲ୍ଲୀ ଖାନ ଓ କାର୍ତ୍ତିକ ଆର୍ୟନଙ୍କ କେମେଷ୍ଟ୍ରି ଦେଖିବାକୁ ପାଇବେ ଦର୍ଶକ। ଇତିମଧ୍ୟରେ ଶୁଣିବାକୁ ମିଳୁଛି ଯେ ସେ ଏଥର ବାୟୋପିକ ଫିଲ୍ମରେ ନିଜ ଭାଗ୍ୟ ପରୀକ୍ଷା କରିବେ।
ଏଥର ପରଦାରେ ଦେଖିବାକୁ ମିଳିବ ବିଶିଷ୍ଟ ଅଭିନେତ୍ରୀ ମଧୁବାଲାଙ୍କ ବାୟୋପିକ୍। ଆଜ୍ଞା ହଁ, ଯାହାକୁ ନିର୍ମାଣ କରିବେ ଇମତିଆଜ। ସେ ବର୍ତ୍ତମାନ ମଧୁବାଲଙ୍କ ବାୟୋପିକ ନିର୍ମାଣ କରିବା ପାଇଁ ରାଇଟ୍ସ ମଧ୍ୟ ପାଇସାରିଲେଣି । କିନ୍ତୁ ଏଯାବତ ଏହା ସ୍ପଷ୍ଟ ହୋଇନାହିଁ ଯେ ମଧୁବାଲଙ୍କ ସେ ଫିଲ୍ମ ନିର୍ମାଣ କରିବେ କି ୱେବ ସିରିଜ। ଯାହାର ଘୋଷଣା ମଧ୍ୟ ସେ କରିନାହାଁନ୍ତି।
ମଧୁବାଲା ‘ବସନ୍ତ’ ଫିଲ୍ମରେ ଶିଶୁ କଳାକାର ରୂପେ ଅଭିନୟ କ୍ୟାରିୟର ଆରମ୍ଭ କରିଥିଲେ। ଏହାସହ ସେ ରାଜକପୁରଙ୍କ ସହ ଫିଲ୍ମ ‘ନୀଲ କମଲ’ରେ ଅଭିନୟ ସଫଳ ଅଭିନେତ୍ରୀ ସାଜିଥିଲେ । ତାଙ୍କ ପରିବାରରୁ ରାଇଟ୍ସ ଆଣିସାରିବା ପରେ ଇମତିଆଜ ସ୍ପଷ୍ଟ କରିଥିଲେ ଯେ ତାଙ୍କ ବାୟୋପିକରେ ଭୁଲ ତଥ୍ୟା ଉପସ୍ଥାପନ କରାଯିବ ନାହିଁ। ଏଯାବତ ଫିଲ୍ମ ଷ୍ଟାରକାଷ୍ଟଙ୍କ ଖୁଲାସା ମଧ୍ୟ ହୋଇନାହିଁ। ଶୁଣିବାକୁ ମିଳୁଛି ଯେ ଟିକଟକର ମଧୁବାଲା ପ୍ରିୟଙ୍କା କଣ୍ଡୱାଲ ହୁଏତଃ ଏହି ବାୟୋପିରେ ଅଭିନୟ କରିପାରନ୍ତି। ଅନ୍ୟପଟେ ମଧୁବାଲଙ୍କ ଭଉଣୀ ମଧୁର ବ୍ରିଜ ଭୂଷଣ ବି-ଟାଉନ ବେବୋ କରୀନା କପୁର ଖାନଙ୍କ ଏହି ବାୟୋପିକରେ ମୁଖ୍ୟ ଭୂମିକାରେ ଦେଖିବାକୁ ଚାହୁଁଛନ୍ତି। ଏବେ ଦେଖିବା ବାକି ରହିଲା ଯେ ଇମତିଆଜଙ୍କ ଏହି ବାୟୋପିକରେ କେଉଁ ଅଭିନେତ୍ରୀ ଅଭିନୟ କରିବେ।
