ହାଇଦ୍ରାବାଦ: ନିକଟରେ ବଲିଉଡ ଅଭିନେତ୍ରୀ ହୁମା କ୍ୟୁରେସି କିଚେନରେ ଫଟୋସୁଟ କରାଇଛନ୍ତି । ଫଟୋସୁଟର କିଛି ଝଲକ ଇନଷ୍ଟାଗ୍ରାମରେ ସେୟାର କରିଛନ୍ତି ଅଭିନେତ୍ରୀ ମାତ୍ର ତାଙ୍କର ଏହି ଫଟୋ ପାଇଁ ୟୁଜର୍ସ କରିଛନ୍ତି ଟ୍ରୋଲ ।
କିଚେନରେ ଫଟୋସୁଟ କରେଇଥିବାରୁ ତାଙ୍କ ହେବାକୁ ପଡିଛି ଟ୍ରୋଲର ଶିକାର । କିଚେନ ଭିତରେ ହ୍ୟୁମା ଜୋତା ପିନ୍ଧି ଫଟୋ ଉଠାଇଥିଲେ ଯାହା ଅନେକଙ୍କୁ ନାପସନ୍ଦ ହୋଇଛି । ଫଟୋରେ ଏକ ସ୍ଲାବ ଉପରେ ହ୍ୟୁମା ଗୋଡ ରଖି ଜୋତା ବାନ୍ଧୁଥିବାର ଦେଖିବାକୁ ମିଳିଛି । ଜଣେ ୟୁଜର୍ସ କହିଥିଲେ,‘ ଖାଇବା ପ୍ରସ୍ତୁତ ଯାଗାରେ ଜୋତା ରଖିବା ଆପଣଙ୍କୁ ଶୋଭା ଦେଉନି । ’ ଅନ୍ୟଜଣେ କହିଥିଲେ,‘ ଏହା କଣ ଆପଣଙ୍କ ସଂସ୍କାର । ’
ଅନ୍ୟ ଏକ ଫଟୋରେ ହ୍ୟୁମା କିଚେନରେ ରଖାଯାଇଥିବା ଜିନିଷ ଉପରେ ଗୋଡ ରଖି ଫଟୋ ଉଠାଇଥିଲେ । ଏହାକୁ ନେଇ ଜଣେ ୟୁଜର୍ସ କହିଥିଲେ,‘ ଲାଜ କର, ଖାଇବା ଜିନିଷ ଉପରେ ଗୋଡ ରଖିଛ । ’ ଏପରି ଭାବେ ୟୁଜର୍ସ ହ୍ୟୁମାଙ୍କୁ ଟ୍ରୋଲ କରୁଛନ୍ତି । ତେବେ ଏନେଇ ହ୍ୟୁମା ମୁହଁ ଖୋଲିନାହାଁନ୍ତି ।
ପ୍ରକାଶଥାଉକି, ହ୍ୟୁମା ପପୁଲାର ମାଗାଜିନ ‘କସ୍ମୋପୋଲିଟାନ’ ପାଇଁ ଫଟୋସୁଟ କରାଇଛନ୍ତି । ହ୍ୟୁାମଙ୍କୁ ନିକଟରେ ୱେବସିରିଜ ‘ଲୈଲା’ରେ ଦେଖିବାକୁ ମିଳିଥିଲା ।
