ମୁମ୍ବାଇ: ଅକ୍ଟୋବର 2 ତଥା ଗାନ୍ଧୀ ଜୟନ୍ତୀରେ ରିଲିଜ ହୋଇଥିବା ସୁପରଷ୍ଟାର ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ଅଭିନୀତ ଫିଲ୍ମ ‘ୱାର’ ରିଲିଜକୁ 8 ସପ୍ତାହ ପୂରଣ ହୋଇସାରିଲାଣି । ତଥାପି ଏହି ଦମଦାର ଫିଲ୍ମ ବକ୍ସ ଅଫିସରେ ଶାନଦାର ଆୟ କରିବାରେ ଲାଗିଛି । ‘ୱାର’ର ନନଷ୍ଟପ ଆୟ ବର୍ତ୍ତମାନ ଜାରି ରହିଛି । ଫିଲ୍ମଟି ଭାରତ ବଜାରରେ ଏଯାବତ 318.01 କୋଟି ଟଙ୍କା ଆୟ କରିସାରିଲାଣି।
ଟ୍ରେଣ୍ଡ ଆନାଲିଷ୍ଟ ତରଣ ଆଦର୍ଶ ଟ୍ବିଟରରେ ‘ୱାର’ର ଆୟ ତାଲିକା ଜାରି କରିଛନ୍ତି । ଆକ୍ସନ ଓ ଆଡଭେଞ୍ଚରରେ ଭରପୁର ଏହି ଫିଲ୍ମ ଅଷ୍ଟମ ସପ୍ତାହରେ 8 ଲକ୍ଷ ଆୟ କରିଛି । 8 ସପ୍ତାହରେ ଫିଲ୍ମର ସମୁଦାୟ କଲେକ୍ସନ 318.01 କୋଟି ଟଙ୍କା । ଏହାସହ ସେ ‘ୱାର’ ଫିଲ୍ମକୁ ଏବର୍ଷର ବ୍ଲକବଷ୍ଟର ଫିଲ୍ମ ମଧ୍ୟ କହିଛନ୍ତି ତରୁଣ ।
ପ୍ରକାଶ ଥାଉକି ଫାଷ୍ଟ ଏକ୍ସଟେଣ୍ଡେଡ ୱିକ(9 ଦିନ)ରେ ଫିଲ୍ମଟି 238.35 କୋଟି ଆୟ କରିବାରେ ସଫଳ ହୋଇଥିଲା। ଚଳିତ ବର୍ଷ ହ୍ରିତିକ ଓ ଟାଇଗରଙ୍କ ଏହି ଫିଲ୍ମ ସୁପରହିଟ୍ ତାଲିକାରେ ଟପରେ ଅଛି । ଫିଲ୍ମଟି ଅନେକ ରେକର୍ଡ ମଧ୍ୟ ଭାଙ୍ଗିବାରେ ସଫଳ ହୋଇଛି । ଖାଲି ଏତିକି ନୁହେଁ ହ୍ରିତିକ ଓ ଟାଇଗରଙ୍କ କ୍ୟାରିୟର ‘ୱାର’ ସବୁଠାରୁ ବଡ ସୁପରହିଟ୍ ଫିଲ୍ମ ସାବ୍ୟସ୍ତ ହୋଇଛି ।
ଫିଲ୍ମକୁ କ୍ରିଟିକ୍ସ ସହ ଦର୍ଶକଙ୍କ ଶାନଦାର ପ୍ରତିକ୍ରିୟା ମିଳିଥିଲା। ଫିଲ୍ମର ନିର୍ଦ୍ଦେଶନା ଦ୍ବାୟିତ୍ବ ସିଦ୍ଧାର୍ଥ ଆନନ୍ଦ ତୁଲାଇଥିଲେ ବେଳେ ଫିଲ୍ମକୁ ୟଶରାଜ ପ୍ରଡକ୍ସନରେ ପ୍ରଯୋଜିତ କରାଯାଇଥିଲା।
