ହାଇଦ୍ରାବାଦ: ଏବେ ଚର୍ଚ୍ଚାରେ ବଲିଉଡ ଅଭିନେତା ହ୍ରିତିକ ରୋଶନ । ବୃତ୍ତିଗତ ନୁହେଁ ବରଂ ବ୍ୟକ୍ତିଗତ ଜୀବନ ପାଇଁ ଚର୍ଚ୍ଚାରେ ଅଛନ୍ତି ହ୍ରିତିକ । ଶୁଣିବାକୁ ମିଳୁଛି ହ୍ରିତିକ ଅଭିନେତ୍ରୀ ସବା ଆଜାଦଙ୍କୁ ଡେଟ କରୁଛନ୍ତି। ଉଭୟ ପ୍ରାୟତଃ ଏକାଠି ସମୟ ବିତାଉଥିବାର ମଧ୍ୟ ନଜର ଆସିଛି । କେଳେବେଳେ ରାତ୍ରିଭୋଜନ ପାଇଁ ଏକାଠି ଯାଆନ୍ତି ତ ପୁଣି କେତେବେଳେ ସବା ହ୍ରିତିକଙ୍କ ପରିବାର ସହିତ ସମୟ ବିତାନ୍ତି । ଯଦିଓ ହ୍ରିତିକ ଏବଂ ସବା ସେମାନଙ୍କ ସମ୍ପର୍କ ଉପରେ ନୀରବ ରହିଛନ୍ତି । ଉଭୟ ଏହା ବିଷୟରେ କଥାବାର୍ତ୍ତା କରନ୍ତି ନାହିଁ । ବର୍ତ୍ତମାନ ପ୍ରଥମ ଥର ପାଇଁ ହ୍ରିତିକ ସୋସିଆଲ ମିଡିଆରେ ସବାଙ୍କ ପାଇଁ ଏକ ଖାସ ପୋଷ୍ଟ ସେୟାର କରିଛନ୍ତି।
ହ୍ରିତିକ ରୋଶନ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଫଟୋ ସେୟାର କରିଛନ୍ତି। ଯେଉଁଥିରେ ନାସିରୁଦ୍ଦିନ ଶାହାଙ୍କ ପୁଅ ଇମାଦ୍ ଶାହା ସବା ଆଜାଦଙ୍କ ସହ ନଜର ଆସିଛନ୍ତି | ଏହି ପୋଷ୍ଟଟି ତାଙ୍କ ବ୍ୟାଣ୍ଡ ଇଲେକ୍ଟ୍ରୋ-ଫଙ୍କ ମ୍ୟାଡବୟ / ମିଙ୍କରୁ ଆସିଛି । ଏହି ଶୋ ଶୁକ୍ରବାର ଦିନ ପୁନେରେ ଅନୁଷ୍ଠିତ ହୋଇଥିଲା । ଏହାକୁ ସେୟାର କରିବାବେଳେ ହ୍ରିତିକ୍ ଲେଖିଥିଲେ - "Kill It You guys"।
ନିକଟରେ ହ୍ରିତିକ ରୋଶନଙ୍କ ପୂର୍ବତନ ପତ୍ନୀ ସୁଜୈନ ଖାନ ସବା ଖାନଙ୍କୁ ପ୍ରଶଂସା କରିଥିଲେ। ଇନଷ୍ଟାଗ୍ରାମ ଷ୍ଟୋରୀରେ ସବାଙ୍କ ଫଟୋ ସେୟାର କରି ସୁଜୈନ ଲେଖିଛନ୍ତି - କେତେ ସୁନ୍ଦର ସନ୍ଧ୍ୟା ଥିଲା । ତୁମେ ସୁପର କୁଲ୍ ସବା ଆଜାଦ । ସବା ମଧ୍ୟ ସୁଜୈନଙ୍କୁ ଧନ୍ୟବାଦ ଦେଇଥିଲେ। ସେ ଲେଖିଛନ୍ତି - ଧନ୍ୟବାଦ ସୁଜି। ଗତ ରାତିରେ ତୁମେ ସେଠାରେ ଥିବାରୁ ବହୁତ ଖୁସି ।
ଏହା ବି ପଢନ୍ତୁ: ହ୍ରିତିକଙ୍କ ପରିବାର ସହ ନଜର ଆସିଲେ ରୁମର ଗର୍ଲଫ୍ରେଣ୍ଡ ସବା
ସୂଚନାଯୋଗ୍ୟ ଯେ, ସବା ନିକଟରେ ରୋଶନ ପରିବାରର ମଧ୍ୟାହ୍ନ ଭୋଜନରେ ସାମିଲ ହୋଇଥିଲେ । ହ୍ରିତିକଙ୍କ ଦାଦା ତଥା ରାଜେଶ ରୋଶନ ଏକାଠି ହେବାର ଫଟୋ ସେୟାର କରିଥିଲେ । ଯେଉଁଥିରେ ହ୍ରିତିକ ସବା ଏବଂ ପରିବାରର ଅନ୍ୟ ସଦସ୍ୟମାନଙ୍କ ସହିତ ବସିଥିବାର ଦେଖାଯାଇଥିଲା । ଏହି ଫଟୋରେ ଉଭୟ ହ୍ରିତିକଙ୍କ ପୁଅ, ମାଆ ପିଙ୍କି ରୋଶନ, ଦାଦା ରାଜେଶ ରୋଶନଙ୍କ ସମେତ ଅନେକ ଲୋକ ଉପସ୍ଥିତ ଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
