ମୁମ୍ବାଇ: ଗାନ୍ଧୀ ଜୟନ୍ତୀରେ ରିଲିଜ ହୋଇଥିବା ଜବରଦସ୍ତ ଆକ୍ସନ ଫିଲ୍ମ ‘ୱାର’ର କଲେକ୍ସନ ବକ୍ସ ଅଫିସରେ ଥମିବାର ନାଁ ନେଉନାହିଁ । ସୁପରଷ୍ଟାର ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ଏହି ଦମଦାର ଫିଲ୍ମଟି 250 କୋଟି ଆୟ କରି ବ୍ଲକବଷ୍ଟର ଫିଲ୍ମ ସାଜିଛି । ଏବର୍ଷର ଅନେକ ରେକର୍ଡ ଭାଙ୍ଗି ସବୁଠାକୁ ଅଧିକ ଆୟ କରିଥିବା ଦ୍ବିତୀୟ ଫିଲ୍ମ ସୂଚୀରେ ମଧ୍ୟ ଆସିଯାଇଛି ‘ୱାର’ ।
ଏହି ଅବସରରେ ଫିଲ୍ମ କ୍ରିଟିକ୍ସ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଟ୍ବିଟ କରି ଦର୍ଶକଙ୍କୁ ‘ୱାର’ର କଲେକ୍ସନ ବିଷୟରେ ସୂଚନା ଦେଇଛନ୍ତି । ସେ ଫିଲ୍ମର ଏଯାବତ କେଲକ୍ସନ ବିଷୟରେ ଲେଖିବା ସହ ଫିଲ୍ମଟି ଖୁବଶୀଘ୍ର 300 କୋଟି କ୍ଲବରେ ଏଣ୍ଟ୍ରି କରିବା ବୋଲି ଜଣାଇଛନ୍ତି ।
ପ୍ରକାଶ ଥାଉକି ଫିଲ୍ମଟି ପ୍ରଥମଦିନରେ 50 କୋଟି କରିଥିବା ବେଳେ 3 ଦିନରେ ଫିଲ୍ମଟି 100 କୋଟି କ୍ଲବରେ ସାମିଲ ହୋଇଥିଲା । ଇଣ୍ଟରନ୍ୟାସନାଲ ମାର୍କେଟରେ ମଧ୍ୟ ‘ୱାର’ ଦବଦବା ଦେଖିବାକୁ ମିଳିଛି । ଫିଲ୍ମଟି ଅନେକ ଫିଲ୍ମର ରେକର୍ଡ ଭାଙ୍ଗିବାରେ ସଫଳ ହୋଇଛି । ‘ୱାର’ ଫିଲ୍ମ ନର୍ଥ ଆମେରିକାରେ ହ୍ରିତିକଙ୍କ ସବୁଠାରୁ ଅଧିକ ଆୟ କରିଥିବା ଫିଲ୍ମରେ ସାମିଲ ହୋଇଛି । ଏହାପୂର୍ବରୁ ତାଙ୍କ ଫିଲ୍ମ ‘ବ୍ୟାଙ୍ଗବ୍ୟାଙ୍ଗ’, ‘ସୁପର 30’, ‘ଯୋଦ୍ଧା ଆକବର’, ‘କ୍ରିଶ 3’, ‘ଅଗ୍ନିପଥ’ ମଧ୍ୟ ଭଲ କଲେକ୍ସନ କରିଥିଲା ।
ସିଦ୍ଧାର୍ଥ ଆନନ୍ଦଙ୍କ ଦ୍ବାରା ନିର୍ଦ୍ଦେଶିତ ‘ୱାର’ ୟଶ ରାଜ ବ୍ୟାନରେ ନିର୍ମାଣ ହୋଇଛି । ଫିଲ୍ମରେ ହ୍ରିତିକ ଓ ଟାଇଗରଙ୍କ ବ୍ୟତୀତ ବାଣୀ କପୁର ମଧ୍ୟ ଫିଲ୍ମରେ ନଜର ଆସିଛନ୍ତି ।
