ନୂଆଦିଲ୍ଲୀ: ଭାରତ ପରେ ବଲିଉଡ ପ୍ରେମରେ ଚୀନ ଦର୍ଶକ । ଗୋଟିଏ ପରେ ଗୋଟିଏ ବଲିଉଡ ଫିଲ୍ମ ଚୀନ ସିନେ ବଜାରରେ ରିଲିଜ ହେବାରେ ଲାଗିଛି । ସୁପରଷ୍ଟାର ହ୍ରିତିକ ରୋଶନଙ୍କ ଚର୍ଚ୍ଚିତ ଫିଲ୍ମ 'କାବିଲ' ଜୁନ 5ରେ ଚୀନରେ ରିଲିଜ ହେବାକୁ ଯାଉଛି ।
ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଫିଲ୍ମର ଚୀନ ପୋଷ୍ଟର ସେୟାର କରି ଫ୍ୟାନ୍ସଙ୍କୁ ଏହାର ସୂଚନା ଦେଇଛନ୍ତି । ଏହାସହ ସେ କ୍ୟାପସନରେ ଲେଖିଛନ୍ତି, "Kaabil to release in China on 5 June 2019... Here's the poster for the local audience."
ଏହାର କିଛି ସମୟ ପରେ ତରୁଣ 'କାବିଲ'ର ଆଉ ଏକ ପୋଷ୍ଟର ପୋଷ୍ଟ କରିଛନ୍ତି । ଯେଉଁଥିରେ ହ୍ରିତିକଙ୍କୁ ୟାମୀ ଗୌତମ ଆଲିଙ୍ଗନ କରୁଥିବାର ନଜର ଆସୁଛନ୍ତି । ଏହାର କ୍ୟାପସନରେ ଲେଖିଛନ୍ତି, Another poster of #Kaabil for the local audience in #China... #Kaabil is Hrithik's first film to release there... 5 June 2019 release.
ପ୍ରକାଶ ଥାଉକି 'କାବିଲ'ର କାହାଣୀ ଦୁଇ ଅନ୍ଧ ପତି-ପତ୍ନୀଙ୍କ ଉପରେ ଆଧାରିତ । ବିବାହ ପରେ ଦୁଇଜଣ ଏକାଠି ଖୁସିରେ ରହୁଥିବେ । କିନ୍ତୁ ପରେ ପତ୍ନୀଙ୍କ ଦୁଷ୍କର୍ମର ପ୍ରତିଶୋଧ ନେବା ପାଇଁ ହ୍ରିତିକ ଏକୁଟିଆ ଖଳନାୟକଙ୍କ ସହ ଲଢୁଥିବା ନଜର ଆସିବେ । ଭାରତରେ ଫିଲ୍ମ 2017 ଜାନୁଆରୀ 25ରେ ରିଲିଜ ହୋଇଥିଲା ।
