ମୁମ୍ବାଇ: ବଲିଉଡ ସୁପରଷ୍ଟାର ହ୍ରିତିକ ରୋଶନ ଓ ଦୀପିକା ପାଦୁକୋନଙ୍କ ଫ୍ୟାନ୍ସ ଫଲୋଇଂ ଆକାଶ ଛୁଆଁ । ଏହି ସଂଯୋଗ ପାଇଁ ଦୁଇଜଣଙ୍କୁ ଏସିଆର ସବୁଠାରୁ ସେକ୍ସିଏଷ୍ଟ ଆକ୍ଟର ଏବଂ ଆକ୍ଟ୍ରେସ ସମ୍ମାନରେ ସମ୍ମାନିତ କରାଯାଇଛି । ଦୁଇଜଣଙ୍କୁ ଏଯାବତ ଏକାଠି ଫିଲ୍ମରେ ଦେଖିନାହାଁନ୍ତି ଦର୍ଶକ ।
ଆଉ ଏବେ ଦୁଇଜଣଙ୍କ ଏକ ଭିଡିଓ ଦେଖି ଖୁସି ହୋଇଯାଇଛନ୍ତି ପ୍ରଶଂସକ । ଆଜ୍ଞା ହଁ, ସୋସିଆଲ ମିଡିଆରେ ବର୍ତ୍ତମାନ ହ୍ରିତିକ ଓ ଦୀପିକାଙ୍କ ଗୋଟିଏ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଭିଡିଓରେ ଦୁଇ ଷ୍ଟାର ଖ୍ରୀଷ୍ଟମାସ ମୋଡରେ ନଜର ଆସୁଛନ୍ତି ।
ଫ୍ୟାନ୍ସଙ୍କୁ ହ୍ରିତିକଙ୍କ କୁଲ ଅନ୍ଦାଜ ବେଶ ପସନ୍ଦ ଆସିଛି । କାରଣ ସେ ନିଜ ହାତରେ ଦୀପିକାଙ୍କୁ କେକ ଖୁଆଉଥିବାର ନଜର ଆସୁଛନ୍ତି । ଭିଡିଓଟିକୁ ଦୀପିକା ଓ ହ୍ରିତିକଙ୍କ ଫ୍ୟାନକ୍ଲବ ପେଜରେ ସେୟାର କରାଯାଇଛି । ପ୍ରକାଶ ଥାଉକି ଦୀପିକା ଖୁବଶୀଘ୍ର ବିକ୍ରାନ୍ତ ମେସୀଙ୍କ ସହ ଚର୍ଚ୍ଚିତ ଫିଲ୍ମ ‘ଛପାକ’ରେ ନଜର ଆସିବେ । ଏହି ଫିଲ୍ମଟି ଆସନ୍ତା ବର୍ଷ ଜାନୁଆରୀ 10ରେ ରିଲିଜ କରିବାର ଯୋଜନା କରିଛନ୍ତି ମେକର୍ସ ।
ଅନ୍ୟପଟେ ଗାନ୍ଧୀ ଜୟନ୍ତୀ ଅବସରରେ ରିଲିଜ ହୋଇଥିବା ହ୍ରିତିକଙ୍କ ଜବରଦସ୍ତ ଆକ୍ସନ ଫିଲ୍ମ ‘ୱାର’ ଚଳିତ ବର୍ଷର ବ୍ଲକବଷ୍ଟର ଫିଲ୍ମ ସାଜିଛି । ପ୍ରଥମଥର ଦର୍ଶକ ଏହି ଫିଲ୍ମରେ ହ୍ରିତିକ ଓ ଟାଇଗର ଶ୍ରଫଙ୍କ ଯୋଡି ଦେଖିବାକୁ ପାଇଥିଲେ ।
