ମୁମ୍ବାଇ: ସୁପରଷ୍ଟାର ହ୍ରିତିକ ଓ ଟାଇଗର ଶ୍ରଫଙ୍କ ଆକ୍ସନଭରା ଫିଲ୍ମ ‘ୱାର’ର କଲେକ୍ସନ ବଢିଚାଲିଛି । ବକ୍ସ ଅଫିସ ରିପୋର୍ଟ ଅନୁଯାୟୀ ରବିବାର ଫିଲ୍ମଟି 35.5 କୋଟି ଆୟ କରିବାରେ ସଫଳ ହୋଇଛି । ଏଯାବତ ଫିଲ୍ମ 158 କୋଟି ଆୟ କରିସାରିଲାଣି । ଯାହାକୁ ନେଇ ଖୁସି ମେକର୍ସ ଓ ଷ୍ଟାର-କାଷ୍ଟ । ଏବର୍ଷର ସବୁଠାରୁ ଅଧିକା ରବିବାର କଲେକ୍ସନ ‘ୱାର’ ଫିଲ୍ମ ହିଁ କରିଛି । ଶନିବାର ଅପେକ୍ଷା ଫିଲ୍ମଟି ରବିବାର 30 ଶତକଡା ଅଧିକ ଆୟ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି ।
ଖାଲି ଏତିକି ନୁହେଁ ‘ୱାର’ ଫିଲ୍ମଟି ତେଲୁଗୁ ସୁପରଷ୍ଟାର ପ୍ରଭାସ ଓ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ ‘ସାହୋ’ର ମଧ୍ୟ ଫାଷ୍ଟ ୱିକେଣ୍ଡ କଲେକ୍ସନ ରେକର୍ଡ ଭାଙ୍ଗିଛି । ‘ୱାର’ ଯେଉଁଠାରେ ୱିକେଣ୍ଡରରେ 35.5 କୋଟି କରିଛି ସେହିଠାରେ ‘ସାହୋ’ 30 କୋଟି ଆୟ କରିଥିଲା । ସଲମାନ ଖାନଙ୍କ ଫିଲ୍ମ ‘ଭାରତ’କୁ ମଧ୍ୟ ମାତ ଦେଇଛି ‘ୱାର’ ।
ଫିଲ୍ମ କ୍ରିଟିକ୍ସ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଫିଲ୍ମର ସମୁଦାୟ କଲେକ୍ସନର ବିବରଣୀ ଟ୍ବିଟରରେ ଦର୍ଶକଙ୍କୁ ଜଣାଇଛନ୍ତି । ପ୍ରଥମଥର ପରଦାରେ ଦର୍ଶକ ଗୁରୁ-ଶିଷ୍ୟଙ୍କ ଫାଇଟର ଭରପୁର ମଜା ଉଠାଇଛନ୍ତି । ଏହି ଦୁଇ ଅଭିନେତାଙ୍କ ଦମଦାର ଆକ୍ସନ ସିନ ଏବଂ ଅଭିନୟର ଜବରଦସ୍ତ ପ୍ରଶଂସା କରିବାରେ ଲାଗିଛନ୍ତି ଦର୍ଶକ ।
