ମୁମ୍ବାଇ: ଶନିବାର ଅଭିନେତା ସୁଶାନ୍ତ ସିଂ ରାଜପୁତଙ୍କୁ ମନେପକାଇ ଚଳଚ୍ଚିତ୍ର ନିର୍ମାତା ଅଭିଷେକ କପୁର ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ ସେୟାର କରିଛନ୍ତି ।
ଅଭିଷେକ ସୁଶାନ୍ତଙ୍କ ସହ 'କାଇ ପୋ ଛେ' ଏବଂ 'କେଦାରନାଥ' ଚଳଚ୍ଚିତ୍ରରେ କାମ କରିଥିଲେ ।
ଏହି ଭିଡିଓଟି 'କେଦାରନାଥ'ର ସୁଟିଂ ସମୟର । ଭିଡିଓରେ 'କେଦାରନାଥ'ର ସୁଟିଂ ସମୟର ଫଟୋ ଦେଖିବାକୁ ମିଳିଛି । ଯେଉଁଥିରେ ସୁଶାନ୍ତ ଅଭିଷେକଙ୍କ ସହ ମଜା କରୁଥିବାର ନଜର ଆସିଛନ୍ତି ।
ଭିଡିଓର କ୍ୟାପସନରେ ଅଭିଷେକ ଲେଖିଛନ୍ତି, ଫିଲ୍ମ କେଦାରନାଥ ପାଇଁ ଆଜି ଆମେ କାମ ଆରମ୍ଭ କରିଥିଲୁ । ସୁଶାନ୍ତ ଆମ ସହିତ ବିତାଇଥିବା ପ୍ରତି ମୁହୂର୍ତ୍ତର ସ୍ମୃତି ମୋ ମନରେ ଏବେ ବି ଜୀବନ୍ତ । ତୁମେ ଜାଣିଛ ତୁମକୁ ତୁମର ପ୍ରଶଂସକମାନେ କେତେ ଭଲ ପାଆନ୍ତି । ଯଦି ଆପଣ କିଛି ଖରାପ ଲୋକଙ୍କ କଥାକୁ ବିଶ୍ବାସ କରିନଥାନ୍ତେ ତାହାଲେ ଭଲ ହୋଇଥାନ୍ତା । ତୁମର ନ୍ୟାୟ ପାଇଁ ତୁମର ପ୍ରଶଂସକମାନେ କିପରି ସଂଗ୍ରାମ କରୁଛନ୍ତି । ତୁମେ କହୁଥିବା କଥା ମୁଁ ଶୁଣିପାରୁଛି - 'ଜାନେ ଦୋ ସାର୍, କାମ ବୋଲେଗା' ।
ପ୍ରକାଶ ଥାଉ ଯେ, ଫିଲ୍ମ 'କେଦାରନାଥ' 2018 ରେ ମୁକ୍ତିଲାଭ କରିଥିଲା। ଯେଉଁଥିରେ ସୁଶାନ୍ତଙ୍କ ସହ ମୁଖ୍ୟ ଭୂମିକାରେ ଅଭିନେତ୍ରୀ ସାରା ଅଲି ଖାନ ପ୍ରମୁଖ ଅଭିନୟ କରିଥିଲେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ଅଭିଷେକ କପୁର। ଅଭିଷେକ ସୁଶାନ୍ତଙ୍କ ପ୍ରଥମ ଚଳଚ୍ଚିତ୍ର 'କାଇ ପୋ ଛେ' ମଧ୍ୟ ନିର୍ଦ୍ଦେଶନା ଦେଇଥିଲେ।
