ମୁମ୍ବାଇ: କିଛି ଦିନ ହେବ ଚର୍ଚ୍ଚାରେ ଥିବା ଖିଲାଡି ଅକ୍ଷୟ କୁମାରଙ୍କ ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ଗତ ଶୁକ୍ରବାର ରିଲିଜ ହୋଇଯାଇଛି । ହେଲ ଏହା ପୂର୍ବରୁ ସୋସିଆଲ ମିଡିଆରେ ଖୁବ୍ ପ୍ରଶଂସା ମିଳୁଥିଲା । ସେହିପରି ‘ହାଉସଫୁଲ 4’ର ଟ୍ରେଲର ଆଉ ‘ବାଲା’ ଗୀତ ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । କିନ୍ତୁ ଫିଲ୍ମ ରିଲିଜ ହେଲା ପରେ ଭଲ ପ୍ରତିକ୍ରିୟା ମିଳିନାହିଁ ।
ଫିଲ୍ମ କ୍ରିଟିକ ତରଣ ଆଦର୍ଶ ‘ହାଉସଫୁଲ 4’କୁ ମାତ୍ର ୱାନ ଆଣ୍ଡ ହାପ୍ ଷ୍ଟାର ଦେଇଛନ୍ତି । ଏହାସହ ସେ ଲେଖିଛନ୍ତି, ‘ହସାଇବାର ଅନେକ ଚେଷ୍ଟା କରିବା ପରେ ବି ଫେଲ ହୋଇଛି, ଖରାପ ଷ୍ଟୋରୀ, ଭୟାନକ ନିର୍ଦ୍ଦେଶନା ଏବଂ ହାସଉସଫୁଲ ସିରିଜର ଦୁର୍ବଳ ଫିଲ୍ମ ।’ ସେପଟେ ଦର୍ଶକଙ୍କ ଉପରେ ଅକ୍ଷୟଙ୍କ କମେଡିର ଯାଦୁ ଫିକା ପଡିଛି । ଫିଲ୍ମର ଆଡଭାନ୍ସ ବୁକିଂ ମଧ୍ୟ ମାନ୍ଦା ଅବସ୍ଥାରେ ଥିଲା ।
ପ୍ରକାଶ ଥାଉକି ଅକ୍ଷୟଙ୍କ ସହ ଏହି ଫିଲ୍ମରେ ରିତେଶ ଦେଶମୁଖ, ବବି ଦେଓଲ, କ୍ରିତି ସାନନ, କ୍ରିତି ଖରବନ୍ଦା ଓ ପୂଜା ହେଗଡେ ଭଳି ଷ୍ଟାର୍ସ ମୁଖ୍ୟ ଭୂମିକାରେ ନଜର ଆସିଛନ୍ତି । କିନ୍ତୁ ଏହି ଷ୍ଟାର୍ସଙ୍କ କମେଡି ଦେଖି ହସିବା ପରିବର୍ତ୍ତେ ଅସନ୍ତୋଷ ହୋଇଛନ୍ତି ଦର୍ଶକ । ବର୍ତ୍ତମାନ ଟ୍ବିଟରରେ ଫିଲ୍ମ ପ୍ରତିକ୍ରିୟା ଦେଖିବାକୁ ମିଳୁଛି । ଆଉ ଏଥିରେ ଅଧିକ ନକାରାତ୍ମକ ପ୍ରତିକ୍ରିୟା ରହିଅଛି। ଏହାସହ ଟ୍ବିଟରରେ #Housefull4Review ଟ୍ରେଣ୍ଡ କରୁଛି ।
