ମୁମ୍ବାଇ: ଖିଲାଡି ଅକ୍ଷୟ କୁମାରଙ୍କ ସଫଳତା ବର୍ତ୍ତମାନ ଆକାଶ ଛୁଆଁ । କାରଣ ଚଳିତ ବର୍ଷ ବ୍ୟାକ ଟୁ ବ୍ୟାକ ତିନୋଟି ହିଟ୍ସ ବଲିଉଡକୁ ଦେଇ ହିଟ୍ ହ୍ୟାଟ୍ରିକ ଅଭିନେତା ସାବ୍ୟସ୍ତ ହୋଇଛନ୍ତି ସେ। ନିକଟରେ ରିଲିଜ ହୋଇଥିବା ତାଙ୍କ ଅଭିନୀତ ‘ହାଉସଫୁଲ 4’ର ଶାନଦାର କଲେକ୍ସନ ଏଯାବତ ବକ୍ସ ଅଫିସରେ ଦେଖିବାକୁ ମିଳୁଛି । ଇତିମଧ୍ୟରେ ଫିଲ୍ମର ପପୁଲାର ଗୀତ ‘ବାଲା ସୈତାନ କା ସାଲା’ ୟୁଟ୍ୟୁବରେ ସବୁ ରେକର୍ଡ ଭାଙ୍ଗିବାର ପ୍ରସ୍ତୁତି ଚଳାଇଛି । ଏହି ଗୀତର ୟୁଟ୍ୟୁବ ଭ୍ୟୁଜ ଜାଣି ଅକ୍ଷୟ ଏତେ ଖୁସି ହୋଇଯାଇଛନ୍ତି ଯେ ସେ ସଙ୍ଗେ ସଙ୍ଗେ ଟ୍ବିଟରରେ ଏକ ମଜାଦାର ଟ୍ବିଟ କରିଛନ୍ତି ।
ପ୍ରକାଶ ଥାଉକି ଏହି ଗୀତଟିକୁ ୟୁଟ୍ୟୁବରେ 100 ମିଲିୟନରୁ ଅଧିକ ଭ୍ୟୁଜ ହାସିଲ ହୋଇଛି । ମାତ୍ର ଗୋଟିଏ ମାସ ମଧ୍ୟରେ ଏହି ଗୀତକୁ ଏତେ ଦର୍ଶକ ଦେଖିସାରିଲେଣି ଯେ ଗୀତ ଧିରେ ଧିରେ ଅନ୍ୟ ଗୀତର ରେକର୍ଡ ଭାଙ୍ଗିବାରେ ଲାଗିଛି। ଗୀତଟିକୁ ଗତ ମାସ 7 ପୂର୍ବେ ରିଲିଜ କରାଯାଇଥିଲା । ଯାହାକୁ ଏଯାବତ 10 କୋଟି 57 ଲକ୍ଷ 68 ହଜାରରୁ ଅଧିକ ଭ୍ୟୁଜ ମିଳିସାରିଛି । ଏହି ଅବସରରେ ଅକ୍ଷୟ ଟ୍ବିଟରେ ‘ବାଲା’ ଗୀତର ଏକ ଆନିମେଶନ ଭିଡିଓ ସେୟାର କରିଛନ୍ତି । ଏହାସହ ସେ ଫ୍ୟାନ୍ସଙ୍କୁ ବାଲା ଚ୍ୟାଲେଞ୍ଜ ଫଲୋ କରିବାର ଧନ୍ୟବାଦ ମଧ୍ୟ ଜଣାଇଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘100 ମିଲିୟନ ସୈତାନର ସାଲା ଆମ ସହ ଡାନ୍ସ କରୁଛନ୍ତି ।’
- " class="align-text-top noRightClick twitterSection" data="">
ଅକ୍ଷୟଙ୍କ ଏହି ପୋଷ୍ଟରେ ତାଙ୍କ ଫ୍ୟାନ୍ସ ଏବଂ ବଲିଉଡ ଷ୍ଟାର୍ସଙ୍କ ମଜାଦାର ପ୍ରତିକ୍ରିୟା ଆସିବାରେ ଲାଗିଛି । ‘ହାଉସଫୁଲ 4’ରେ ଅକ୍ଷୟଙ୍କ ବ୍ୟତିତ ବବି ଦେଓଲ, ରିତେଶ ଦେଶମୁଖ, ଚଙ୍କି ପାଣ୍ଡେ, ରାଣା ଦଗ୍ଗୁବତୀ, ପୂଜା ହେଗଡେ, କ୍ରିତି ସାନନ ଓ କ୍ରିତି ଖରବନ୍ଦା ମୁଖ୍ୟ ଭୂମିକାରେ ନଜର ଆସିଛନ୍ତି ।
