ହାଇଦ୍ରାବାଦ: ପ୍ରତି ସପ୍ତାହ ଭଳି ଏ ସପ୍ତାହରେ ମଧ୍ୟ କପିଲଙ୍କ ଶୋ'କୁ କାଫି ଉପଭୋଗ କରିଛନ୍ତି ଉଭୟ ଅତିଥି ଓ ଦର୍ଶକ । ଏଥରକ ଶୋ'ର ଅତିଥି ଥିଲେ ‘ସୁପରଷ୍ଟାର ସିଙ୍ଗର’ର ଜଜ ଓ ପ୍ରତିଯୋଗୀ । କୁନି ଗାୟକଙ୍କ ସହ ମିଶି ହସିଥିଲେ ଦର୍ଶକ । ଶୋ'କୁ ହିମେସ ରେଶମିୟା, ଜାଭେଦ ଅଲ୍ଲୀଙ୍କ ସହ ଅଲ୍କା ୟାଗନିକ ମଧ୍ୟ ଯୋଗ ଦେଇଥିଲେ ।
ଏହି ସମୟରେ ସଲମାନଙ୍କ ତାରିଫ କରିବାକୁ ପଛେଇନଥିଲେ ହିମେସ । ସଲମାନଙ୍କ ପାଇଁ ହିମେସ ବଲିଉଡକୁ ଆସିପାରିଛନ୍ତି ବୋଲି କହିଥିଲେ । ଗୀତକୁ ହିମେସ ସବୁବେଳେ ନିଜ ସଉକ ବୋଲି ଭାବୁଥିଲେ ମାତ୍ର ତାକୁ ନେଇ କ୍ୟାରିୟର କରିବେ ବୋଲି କେବେ ଭାବିନଥିଲେ । ହିମେସ ଏହା ମଧ୍ୟ କହିଥିଲେ ସଲମାନ ପ୍ରଥମ ଯିଏ ତାଙ୍କୁ ଫିଲ୍ମରେ ଗୀତ ଗାଇବା ପାଇଁ ମଉକା ଦେଇଥିଲେ ।
ଶୋ'ରେ ସିଙ୍ଗର୍ସଙ୍କ ସହ କପିଲ ଶର୍ମା ମଧ୍ୟ ଗୀତ ଗାଇଥିଲେ । ସମସ୍ତେ ଜାଣନ୍ତି ଗୀତ କପିଲଙ୍କ ଦ୍ବିତୀୟ ପ୍ରେମ । କପିଲଙ୍କ ଗୀତ ସବୁବେଳେ ଦର୍ଶକଙ୍କୁ ଖୁବ ପସନ୍ଦ ମଧ୍ୟ ଆସିଥାଏ । ଶୋ'ରେ ଯିଏ କେହି ବି ଅତିଥି ଆସନ୍ତି ସମସ୍ତେ କପିଲଙ୍କ ଗୀତ ଶୁଣିବାକୁ ଆଗ୍ରହ କରନ୍ତି ।
