ମୁମ୍ବାଇ: ଆଗାମୀ ସମୟରେ ବଲିଉଡ ଅଭିନେତା ବିକି କୌଶଲଙ୍କ ଅନେକ ଆକର୍ଷଣୀୟ ଚଳଚ୍ଚିତ୍ର ଦେଖିବାକୁ ମିଳିବ । ଯେଉଁଥିରେ ଏକ ଫିଲ୍ମ 'ଦ ଇମୋରର୍ଟାଲ ଅଶ୍ବତଥାମା' ମଧ୍ୟ ଅନ୍ତର୍ଭୁକ୍ତ ।
ଏହି ଚଳଚ୍ଚିତ୍ରରେ ବିକି ମହାଭାରତର ମହାନ ତଥା ଅମର ଯୋଦ୍ଧା ଅଶ୍ବତଥାମା ଭୂମିକାରେ ଅଭିନୟ କରିବେ । ଏହି ଫିଲ୍ମର ସୁଟିଂ ଏପ୍ରିଲ 2021 ରେ ଆରମ୍ଭ ହେବ ।
ଅଶ୍ବତଥାମା ଗୁରୁ ଦ୍ରୋଣାଚାର୍ଯ୍ୟଙ୍କ ପୁତ୍ର ଯାହାଙ୍କୁ ଅମର ବର ମିଳିଥିଲା । ବିଶେଷ କଥା ହେଉଛି, ଏହି ଚଳଚ୍ଚିତ୍ରରେ ଅଶ୍ବତଥାମାଙ୍କ ଏହି ଚରିତ୍ରରେ ଅଭିନୟ କରିବାକୁ ବିକିଙ୍କୁ 100 କିଲୋଗ୍ରାମରୁ ଅଧିକ ଓଜନ ବଢାଇବାକୁ ପଡିବ । ଯେଉଁଥିପାଇଁ ତାଙ୍କୁ କଠିନ ପରିଶ୍ରମ କରିବାକୁ ପଡ଼ିବ ।
ଏହି ଫିଲ୍ମର ସୁଟିଂ ୟୁରୋପରେ ଆରମ୍ଭ ହୋଇ ମୁମ୍ବାଇରେ ଶେଷ ହେବ । ଗ୍ରୀନଲ୍ୟାଣ୍ଡ, ଆଇସଲ୍ୟାଣ୍ଡ, ଇଂଲଣ୍ଡ ବ୍ୟତୀତ ଟୋକିଓ, ନ୍ୟୁଜିଲ୍ୟାଣ୍ଡରେ ଫିଲ୍ମର ସୁଟିଂ କରାଯିବ ।
ଚଳଚ୍ଚିତ୍ରର ନିର୍ଦ୍ଦେଶନା ଦାୟିତ୍ବ ତୁଲାଇବେ ଆଦିତ୍ୟ ଧର । ଆଗାମୀ ସମୟରେ ବିକି ସହିଦ ଉଧମ୍ ସିଂଦ, କରଣ ଜୋହରଙ୍କ 'ତଖ୍ତ' ଭଳି ବିଗ ବଜେଟ ଚଳଚ୍ଚିତ୍ରରେ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
