ହାଇଦ୍ରାବାଦ: ଦେଶରେ ଜନ୍ମାଷ୍ଟମୀର ମାହୋଲ । କୃଷ୍ଣପ୍ରେମରେ ବିଭୋର ଭକ୍ତ । କଂସର କାରାଗୃହରୁ ମୁକ୍ତ ହୋଇ ନନ୍ଦଘରେ ଲୀଲାଖେଳା କରିବେ ଭଗବାନ ଶ୍ରୀକୃଷ୍ଣ । କୃଷ୍ଣ ଜନ୍ମରେ ନନ୍ଦୋତ୍ସବ ପାଳନ ହେଉଥିବାବେଳେ କୃଷ୍ଣ ପ୍ରେମରେ ପଡିଛନ୍ତି ଡ୍ରିମଗାର୍ଲ । ବଲିଉଡର ଲିଜେଣ୍ଡ ଅଭିନେତ୍ରୀ ହେମାମାଲିନୀ ଫ୍ୟାନ୍ସଙ୍କୁ ଦେଇଛନ୍ତି ଜବରଦସ୍ତ ସରପ୍ରାଇଜ । ନିଜ କଣ୍ଠର ଯାଦୁ ଦେଖାଇଛନ୍ତି ।
ଭିଡିଓ ସୌଜନ୍ୟ: ସୋସିଆଲ ମିଡିଆ
କୃଷ୍ଣ ମନ୍ତ୍ରକୁ ନିଜ କଣ୍ଠରେ ଗାଇଛନ୍ତି ହେମା । ଟାଇମ୍ସ ମ୍ୟୁଜିକ ପାଇଁ କୃଷ୍ଣ ଭଜନ ଗାଇଛନ୍ତି ଡ୍ରୀମଗାର୍ଲ । ଜନ୍ମାଷ୍ଟମୀ ଅବସରରେ ଏହି ଗୀତକୁ ରିଲିଜ କରାଯାଇଛି । ‘କୃଷ୍ଣ ମନ୍ତ୍ର’ ସହ ‘କୃଷ୍ଣ ମହାମନ୍ତ୍ର’ ମଧ୍ୟ ଗାଇଛନ୍ତି । ଗାୟକ ସୁରେଶ ୱାଡକରଙ୍କ ସହ ଗୀତ ଗାଇଛନ୍ତି ।
ହେମାମାଲିନୀ ସର୍ବଦା କୃଷ୍ଣଙ୍କୁ ପୂଜା କରିଥାଆନ୍ତି । ନିକଟରେ ବୃନ୍ଦାବନର ରାଧାରମଣ ମନ୍ଦିରର ସେବା ସୌଭାଗ୍ୟ ମହୋତ୍ସବରେ ନୃତ୍ୟ ମଧ୍ୟ କରିଥିଲେ । ତେବେ ଚଳିତ ବର୍ଷ ହେମା ମଥୁରାରୁ ଦ୍ବିତୀୟ ଥର ସାଂସଦ ହୋଇଛନ୍ତି ।
