ହାଇଦ୍ରାବାଦ: କେନ୍ଦ୍ର ସରକାର ସୋମବାର ଜମ୍ମୁ କାଶ୍ମୀର ପାଇଁ ଐତିହାସିକ ନିଷ୍ପତ୍ତି ନେଇଛନ୍ତି । ଗୃହମନ୍ତ୍ରୀ ଅମିତ ଶାହ ରାଜ୍ୟସଭାରେ ଧାରା 370 ଉଚ୍ଛେଦ ନେଇ ସଙ୍କଳ୍ପ ଆଗତ କରିଥିଲେ । ଏପରିକି ଦିନର ଶେଷ ଆଡକୁ ରାଜ୍ୟସଭାରେ ଜମ୍ମୁ କାଶ୍ମୀର ପୁର୍ନଗଠନ ବିଲ ମଧ୍ୟ ପାରିତ ହୋଇଛି । ଏହାକୁ ନେଇ ବେଶ ଖୁସି ଦେଶବାସୀ । ତେବେ ଅଭିନେତା ଗୁରମିତ୍ ଚୌଧୁରୀ ନିଜ ଖୁସି ଜାହିର କରିଛନ୍ତି ।
ଟ୍ବିଟ କରି ଗୁରମିତ୍ ଲେଖିଥିଲେ,‘ ମୁଁ ଛୋଟବେଳୁ ଅଧିକାଂଶ ସମୟ କାଶ୍ମୀର ଆର୍ମୀ କ୍ୟାମ୍ପରେ ବିତେଇଛି । 370 ହଟିବା ପରେ କାଶ୍ମୀରରେ ଘର କିଣିବା ସ୍ବପ୍ନ ମୋର ପୂରଣ ହେବ ।’ ଏହାସହ କାଶ୍ମୀରରେ ବ୍ଯବସାୟ କରିବାକୁ ଚାହାଁନ୍ତି ଏହି ଅଭିନେତା ।
ଅନ୍ୟପକ୍ଷେ ସମୀକ୍ଷକ ତଥା ଅଭିନେତା କମାଲ ରଶିଦ ଖାନ ମଧ୍ୟ ବଙ୍ଗଳା କିଣିବାକୁ ଇଚ୍ଛା ପ୍ରକାଶ କରିଛନ୍ତି । ଏହାସହ ସରକାରଙ୍କ ଏଭଳି ପଦକ୍ଷେପକୁ ସ୍ବାଗତ କରିଛନ୍ତି KRK। ପ୍ରଥମ ଥର ତାଙ୍କର ଟ୍ବିଟରରେ ଗାଳି କମ୍ ଓ ଭଲପାଇବା ଅଧିକ ଦେଖିବାକୁ ମିଳିଛି ।
