ପାଟନା: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଅକାଳ ବିୟୋଗରେ ପ୍ରଶଂସକମାନେ ଏବଂ ବଲିଉଡ ସେଲିବ୍ରିଟିମାନଙ୍କ ମଧ୍ୟରେ ଏକ ଶୋକର ଛାୟା ଖେଳିଯାଇଛି । ଏହି ସମୟରେ ବିହାରରୁ ଖବର ଆସିଛି ଯେ, ପାଟନାର ଜଣେ ଛାତ୍ରୀ ଯିଏ ସୁଶାନ୍ତଙ୍କ ପ୍ରଶଂସକ ଥିଲେ, ସେ ତାଙ୍କ ମୃତ୍ୟୁ ଦୁଃଖ ସହି ନପାରି ଆତ୍ମହତ୍ୟା କରିଛନ୍ତି ।
ସୁଶାନ୍ତଙ୍କ ଘର ରାଜଧାନୀ ପାଟନା ରାଜେନ୍ଦ୍ର ନଗରର ରୋଡ ନମ୍ବର 6 ହୋଇଥିବାବେଳେ ତାଙ୍କ ଫ୍ୟାନଙ୍କ ଘର ରୋଡ ନମ୍ବର 12ରେ ଥିଲା । ସୂଚନାମୁତାବକ, ଛାତ୍ରୀ ଜଣକ ଫ୍ୟାନ୍ରେ ଝୁଲି ନିଜ ଜୀବନ ଦେଇଛନ୍ତି । ଛାତ୍ରୀ ଜଣକ ଚଳିତ ବର୍ଷ ମାଟ୍ରିକ୍ ପରୀକ୍ଷା ଦେଇଥିଲେ, ଜଣାପଡିଥିଲା ଯେ ତାଙ୍କର ଖରାପ ଫଳାଫଳ ଯୋଗୁଁ ସେ ବହୁତ ଦୁଃଖରେ ଥିଲେ ଏବଂ ସୁଶାନ୍ତଙ୍କ ଆତ୍ମହତ୍ୟା ତାଙ୍କ ଉପରେ ଗଭୀର ପ୍ରଭାବ ପକାଇଥିଲା ।
ସେହିପରି ନାଳନ୍ଦା ଜିଲ୍ଲାର ଲୋଦିପୁର ଗାଁରେ ଆଉ ଜଣେ ଛାତ୍ର ସୁଶାନ୍ତଙ୍କ ମୃତ୍ୟୁରେ ଭାଙ୍ଗିପଡି ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ସୁଶାନ୍ତଙ୍କ ମୃତ୍ୟୁ ଖବର ଶୁଣି ଦୀର୍ଘ ଦୁଇ ଦିନରୁ ଛାତ୍ର ଗୌତମ କୁମାର ଚୁପଚାପ ରହୁଥିଲେ । ଏପରିକି ଆତ୍ମହତ୍ୟା ପୂର୍ବରୁ ସୁଶାନ୍ତଙ୍କ ଏମ ଏସ ଧୋନୀ ଚଳଚ୍ଚିତ୍ର ଦେଖିବାକୁ ଭୁଲି ନଥିଲେ ଗୌତମ ।
ପ୍ରକାଶ ଥାଉ କି, ସେ ଅବସାଦରେ ପୀଡିତ ଥିବା କୁହାଯାଉଥିବା ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ ।
