ନୂଆଦିଲ୍ଲୀ : ବଲିଉଡର ସୁପରଷ୍ଟାର ଶାହରୁଖ ଖାନ ଏବଂ ଗୌରୀ ଖାନଙ୍କ ପୁଅ ଆର୍ୟାନ୍ ଖାନ ଆଜି ନିଜର 23 ତମ ଜନ୍ମଦିନ ପାଳନ କରୁଛନ୍ତି ।
ଏହି ବିଶେଷଦିନରେ ବହୁ ପ୍ରଶଂସକଙ୍କ ସହିତ ବଲିଉଡ ସେଲିବ୍ରିଟି ମଧ୍ୟ ତାଙ୍କୁ ସୋସିଆଲ ମିଡିଆ ମାଧ୍ୟମରେ ଶୁଭେଚ୍ଛା ଜଣାଉଛନ୍ତି ।
- " class="align-text-top noRightClick twitterSection" data="
">
ବର୍ତ୍ତମାନ ଏହି ଦିନକୁ ଆହୁରି ସ୍ୱତନ୍ତ୍ର କରିବା ପାଇଁ ଆର୍ୟାନ୍ ଙ୍କ ମା ଗୌରୀ ଏକ ଖାସ ଅନ୍ଦାଜରେ ପୁଅକୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଗୌରୀ ସୋସିଆଲ ମିଡିଆରେ ସୁହାନା, ଆର୍ୟାନ୍ ଏବଂ ଅବରାମଙ୍କ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଆର୍ୟାନ୍ ସିରିୟସ ଲୁକ୍ ରେ ଥିବାବେଳେ ସୁହାନା ଏବଂ ଅବରାମଙ୍କ ଠାରୁ ଅଲଗା ବସିଥିବାର ନଜର ଆସିଛନ୍ତି ।
ଫଟୋରେ ଆର୍ୟାନ୍ ଏକ କଳା ରଙ୍ଗର ସାର୍ଟ ପିନ୍ଧିଛନ୍ତି ।
ଫଟୋର କ୍ୟାପସନରେ ଗୌରୀ ଲେଖିଛନ୍ତି, ବର୍ଥଡେ ବୟ । ଏହି ଫଟୋ ସେୟାର ହେବା ମାତ୍ରେ 1 ଲକ୍ଷରୁ ଅଧିକ ୟୁଜର୍ସ ଏହାକୁ ଲାଇକ କରି କମେଣ୍ଟ ବକ୍ସରେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଏଥିସହିତ ବହୁ ୟୁଜର୍ସ ଆର୍ୟାନ୍ ଙ୍କୁ ଜୁନିଅର ଶାହାରୁଖ ଖାନ ବୋଲି ମଧ୍ୟ କହିଛନ୍ତି ।
ପ୍ରକାଶ ଥାଉ ଯେ,ଆର୍ୟାନ୍ ଶାହାରୁଖଙ୍କ ସହ ଫିଲ୍ମ ଦ ଲାୟନ କିଙ୍ଗରେ କାମ କରିଛନ୍ତି । ଏହି ଚଳଚ୍ଚିତ୍ରରେ ଶାହାରୁଖ ମୁସାଫାଙ୍କ ସ୍ବର ଦେଇଥିଲେ ଏବଂ ଆର୍ୟାନ୍ ଏହି ଚଳଚ୍ଚିତ୍ର ପାଇଁ ସିମ୍ବାଙ୍କ ସ୍ବରକୁ ଡବ କରିଥିଲେ ।