ମୁମ୍ବାଇ: ଖୁବଶୀଘ୍ର ବଲିଉଡ ଫିଲ୍ମ ଫ୍ରାଞ୍ଚାଇଜ ‘ଫୁକରେ’ର ଆନିମେଟେଡ ଭର୍ସନ ‘ଫୁକରେ ବୟଜ’ ଦେଖିବାକୁ ଯାଉଛନ୍ତି ପିଲା । ଡିସକଭରି କିଡ୍ସରେ ପ୍ରସାରିତ ହେବ ‘ଫୁକରେ’ର ଆନିମେଟେଡ ଫିଲ୍ମ ସିରିଜ ।
ଯାହା ଛ'ଟି ଭାଷା ହିନ୍ଦୀ, ଇଂରାଜୀ, ତାମିଲ, ତେଲୁଗୁ, ମାଲାୟଲମ ଏବଂ କନ୍ନଡରେ ଲଞ୍ଚ ହେବ । ପ୍ରଥମଥର ଏକ୍ସସେଲ ଏଣ୍ଟରଟେନମେଣ୍ଟ କିଡ୍ସଙ୍କ ପାଇଁ ଏପରି ସିରିଜ ନିର୍ମାଣ କରିବାକୁ ଯାଉଛି । ଏହି ଅବସରରେ ଏକ୍ସସେଲ କୋ-ଫାଉଣ୍ଡର ରିତେଶ ସିଦ୍ଧୱାନୀ କହିଛନ୍ତି କି ଏହା ଆମ ପାଇଁ ବଡ ପଦକ୍ଷେପ । ଯାହା ଆମ ଉପଲବ୍ଧି ଭାବନାକୁ ପୂରଣ କରିବ ।
କିଡ୍ସ ଟିଭି ଧାରାବାହିକ ଫିଲ୍ମ ଠାରୁ ସମ୍ପୂର୍ଣ୍ଣ ଭିନ୍ନ । ଏଥି ନିମନ୍ତେ ଭଲ ଭୂମିକା, ଶାନଦାର କାହାଣୀ, କମେଡିର ଆବଶ୍ୟକ ଅଛି । ତେଣୁ ‘ଫୁକରେ’ କାହାଣୀର ଭୂମିକାକୁ କିଡ୍ସ ଖୁବ୍ ପସନ୍ଦ କରିବେ ବୋଲି କହିଛନ୍ତି ରିତେଶ ।
ପ୍ରକାଶ ଥାଉକି ‘ଫୁକରେ’ କାହାଣୀ ହନ୍ନି, ଚୋଚା, ଲାଲି ଓ ଭୋଲି ପଞ୍ଜାବନ ଉପରେ ଆଧାରିତ । ଯେଉଁଥିରେ ଅଭିନେତା ପୁଲକିତ ସମ୍ରାଟ, ମନଜୋତ ସିଂ, ଅଲ୍ଲୀ ଫଜଲ, ବରୁଣ ଶର୍ମା, ପଙ୍କଜ ତ୍ରିପାଠୀ ଓ ରିଚା ଚଡ୍ଡା ମୁଖ୍ୟ ଭୂମିକାରେ ଅଭିନୟ କରିଥିଲେ । ଫିଲ୍ମଟି 2013ରେ ରିଲିଜ ହୋଇଥିଲା । ଏହାର ସିକ୍ବେଲ ଫିଲ୍ମଟି ‘ଫୁକରେ ରିଟର୍ଣ୍ଣ’ 2017ରେ ରିଲିଜ ହୋଇଥିଲା ।
