ମୁମ୍ବାଇ: ସାତ ବର୍ଷ ପୂର୍ବେ ବଲିଉଡରେ ଏଣ୍ଟ୍ରି କରିଥିଲେ ‘ବିକି ଡୋନର’ ଆୟୁଷ୍ମାନ ଖୁରାନା । ଆଉ ପାଖାପାଖି ଦୁଇ ବର୍ଷ ମଧ୍ୟରେ ବ୍ୟାକ ଟୁ ବ୍ୟାକ ହିଟ୍ ଫିଲ୍ମ ଦେବାରେ ବ୍ୟସ୍ତ ଏହି ଟପ ଆକ୍ଟର । ନିଜର ଚମତ୍କାର ଅଭିନୟ ପାଇଁ ଲୋକପ୍ରିୟ ଆୟୁଷ୍ମାନଙ୍କ ପାଇଁ ଶାନଦାର ସାବ୍ୟସ୍ତ ହୋଇଛି 2019 ।
ଆୟୁଷ୍ମାନ ବହୁତ କମ ସମୟରେ ଦର୍ଶକଙ୍କ ପସନ୍ଦ ନା ପସନ୍ଦକୁ ବୁଝିସାରିଛନ୍ତି । ଆଉ ଚ୍ୟାଲେଞ୍ଜ ଭରା ଫିଲ୍ମ କରିବାକୁ ସେ ସବୁବେଳେ ଉତ୍ସାହିତ । ଭିନ୍ନଭିନ୍ନ ଗୁଡଲୁକ୍ସ, ଜବରଦସ୍ତ ଆକ୍ଟିଂ ସ୍କିଲ୍ସରେ ପ୍ରଶଂସକଙ୍କୁ ବାନ୍ଧି ରଖିବାରେ ସେ ସଫଳ । ଯାହା ତାଙ୍କ ସଫଳତାର ଫର୍ମୁଲା ସାଜିଛି ।
ଗତ ବର୍ଷ ଏକ୍ସପେରିମେଣ୍ଟାଲ କାହାଣୀକୁ ନେଇ ଆଧାରିତ ‘ବରେଲୀ କି ବର୍ଫି’, ‘ଶୁଭ ମଙ୍ଗଲ ସାବଧାନ’ ଓ ‘ଅନ୍ଧାଧୁନ’ରେ ଜବରଦସ୍ତ ଅଭିନୟ କରି ସମସ୍ତଙ୍କ ହୃଦୟ କିଣିଥିଲେ ଆୟୁଷ୍ମାନ । ସେହିପରି ଚଳିତ ବର୍ଷ ଆସିଥିବା ‘ଆର୍ଟିକଲ 15’ରେ କେତେବେଳେ ପୋଲିସ ଅଧିକାରୀ ହୋଇ ଭେଦଭାବ ପାଇଁ ଲଢିଥିଲେ ତ ଆଉ କେତେବେଳେ ଏକୁଟିଆପଣକୁ ଦୂର କରିବା ପାଇଁ ‘ଡ୍ରିମ ଗାର୍ଲ’ରେ ଏଣ୍ଟରଟ୍ରେନର ସାଜିଥିଲେ ।
‘ବାଲା’ର ସଫଳତା ସହ ଚଳିତ ବର୍ଷ ପୂରଣ କରିଛନ୍ତି ଆୟୁଷ୍ମାନ । ଯେଉଁଥିରେ ସେ ସମୟ ପୂର୍ବରୁ ଚନ୍ଦା ହୋଇଯାଇଥିବା ଜଣେ ଯୁବକ ଭୂମିକାରେ ଅଭିନୟ କରିଥିଲେ । ରାଷ୍ଟ୍ରୀୟ ପୁରସ୍କାର ବିଜେତା ଏହି ଅଭିନେତା ନିଜ ଫିଲ୍ମ ଜରିଆରେ ସାଧାରଣ ଲୋକଙ୍କୁ ଆତ୍ମବିଶ୍ବାସ ଯୋଗାଇବାର ବାର୍ତ୍ତା ଦେଇଛନ୍ତି । ଆଉ ଏହା ତାଙ୍କୁ ସେହି କାହାଣୀକୁ ଚୟନ କରିବାକୁ ପ୍ରେରଣା ଯୋଗାଉଛି, ଯେଉଁଥିରେ ମୁଖ୍ୟ ଭୂମିକା ସହ ସଂଘର୍ଷଭରା ପ୍ରସଙ୍ଗ ରହୁଛି ।
ନିଜ ବିନ୍ଦାସ ଅନ୍ଦାଜ ପାଇଁ ଆଜି ସେ ହିନ୍ଦୀ ସିନେମାର ଅନ୍ୟ ଅଭିନେତାଙ୍କ ଠାରୁ ସମ୍ପୂର୍ଣ୍ଣ ଭିନ୍ନ । ଯାହା ତାଙ୍କୁ ସଫଳତା ଯୋଗାଇବା ସହ ସମସ୍ତଙ୍କ ଫେଭରେଟ କରିଛି । ଅସମ୍ଭବକୁ ସମ୍ଭବ କରିବା ଗୁଣ କେବଳ ଆୟୁଷ୍ମାନଙ୍କ ପାଖରେ ଦେଖିବାକୁ ମିଳିଛି ।
ଅଫବିଟ୍ସ ସିନେମା ପାଇଁ ଆୟୁଷ୍ମାନଙ୍କ ସ୍ନେହ ଆଗାମୀ ଭବିଷ୍ୟତରେ ମଧ୍ୟ ଦେଖିବାକୁ ମିଳିବ । ଆସନ୍ତା ବର୍ଷ ସେ ସୁଜିତ ସରକାରଙ୍କ ଫିଲ୍ମ ‘ଗୁଲାବୋ ସିତାବୋ’ରେ ମେଗାଷ୍ଟାର ଅମିତାଭ ବଚ୍ଚନଙ୍କ ସହ ନଜର ଆସିବାକୁ ଯାଉଛନ୍ତି । ଆଉ ‘ଶୁଭ ମଙ୍ଗଲ ଜ୍ୟାଦା ସାବଧାନ’ ଜରିଆରେ ସମଲିଙ୍ଗୀ ପ୍ରେମ କାହାଣୀ ନେଇ ଦର୍ଶକଙ୍କ ଦୃଷ୍ଟିକୋଣ ପରିବର୍ତ୍ତନ କରିବେ । ଏଥିରେ କୌଣସି ସନ୍ଦେହ ନାହିଁ କି ସେ ପୁଣି ନିଜ ଦମଦାର ଅଭିନୟ ବଳରେ ଦର୍ଶକଙ୍କ ମନ କିଣିବେ ।
ଇଟିଭି ଭାରତ, ସିତାରା ରିପୋର୍ଟ
