ମୁମ୍ବାଇ: ବଲିଉଡର ପପୁଲାର ଫିଲ୍ମ ନିର୍ମାତା କରନ ଜୋହର ନିଜ ଖାସ୍ ଷ୍ଟାଇଲ ପାଇଁ ସବୁବେଳେ ଚର୍ଚ୍ଚାରେ ଥାଆନ୍ତି । ତାଙ୍କ ଫ୍ୟାନ୍ସଙ୍କ ପାଇଁ ଆଉ ଏକଖୁସି ଖବର ସାମ୍ନାକୁ ଆସିଛି । ଯାହା ଶୁଣି ଫ୍ୟାନ୍ସ ବହୁତ ଖୁସି ହେବେ । କଥାଟି ହେଲା କି ଏବେ ସିଙ୍ଗାପୁରର ମ୍ୟାଡମ ତୁଷାଦରେ କରନଙ୍କ ମହମପ୍ରତିମୂର୍ତ୍ତି ନଜର ଆସିବ । ଏହାକୁ ନେଇ ତାଙ୍କ ଫ୍ୟାନ୍ସଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳୁଛି । ଏହି ଖବର ଆସିବା ମାତ୍ରେ ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ମିଳିବା ଆରମ୍ଭ ହୋଇଯାଇଛି ।
ସେ ଖୁବ୍ ଶୀଘ୍ର ମ୍ୟାଡମ ତୁଷାଦ ମ୍ୟୁଜିୟମରେ ନିଜର (ୱାକ୍ସ ଫିଗର) ତଥା ମହମପ୍ରତିମୂର୍ତ୍ତି ଉନ୍ମୋଚନ କରିବେ । ଏହା ବ୍ୟତୀତ ସେ ସେହିଠାରେ ଅଲ୍ଟିମେଟ ଫିଲ୍ମ ଷ୍ଟାର ଏକ୍ସପେରିୟନ୍ସ ଜୋନ ମଧ୍ୟ ଲଞ୍ଚ କରିବେ ।
ଆଉ ନିଜ ପ୍ରତିମୂର୍ତ୍ତିକୁ ଖୋଦଉନ୍ମୋଚନ କରିବେ କରନ। ଏହି ଉନ୍ମୋଚନର ଲାଇଭ ଷ୍ଟ୍ରିମିଂ କରାଯିବ । ଏହାସହ ସେ ଭାରତୀୟ ସିନେମା ପାଇଁ ସମର୍ପିତ 2,500 ବର୍ଗ ମିଟର ଅଲ୍ଟିମେଟ ଫିଲ୍ମ ଷ୍ଟାର ଜୋନ ଲଞ୍ଜ କରିବେ । ଏଠାରେ ଏୟାର, କନେକ୍ଟ, ହୋଲୋଗ୍ରାମ ଏବଂ ଫିଜିକାଲ ସ୍ପେଶାଲ ଇଫେକ୍ଟସ ଭଳି ଇଣ୍ଟର୍ୟାକ୍ଟିଭ ଟେକନିକର ଉପଯୋଗ କରି ଭିଜିଟର୍ସଙ୍କୁ ଫେମସ ଇଣ୍ଡିଆନ ସେଲିବ୍ରିଟିଙ୍କ ସହ ହଲ ଅଫ ଫେମରେ ଡାନ୍ସ ଏବଂ ଆକ୍ଟ କରିବାର ଅବସର ପ୍ରଦାନ କରିବ । ମ୍ୟାଡମ ତୁଷାଦ ଅଧିକାରୀକ ଟ୍ବିଟର ଆକାଉଣ୍ଟରେ ଏହି କାର୍ଯ୍ୟକ୍ରମର ଅପଡେଟ ଦେବା ପାଇଁ ଫଟୋ ମଧ୍ୟ ପୋଷ୍ଟ କରାଯାଇଛି ।
ପ୍ରକାଶ ଥାଉକି କରନଙ୍କ ପୂର୍ବରୁ ସଲମାନ ଖାନ, ଅମିତାଭ ବଚ୍ଚନ, ଶାହରୁଖ ଖାନ, ଐଶ୍ଚର୍ଯ୍ୟା ରାୟ ବଚ୍ଚନ, ରଜନୀକାନ୍ତ, ବରୁଣ ଧୱନ ଏବଂ ସାଉଥ ସୁପରଷ୍ଟାର ପ୍ରଭାସଙ୍କ ପ୍ରତିମୂର୍ତ୍ତି ଉନ୍ମୋଚନ ହୋଇସାରିଛି ।
