ମୁମ୍ବାଇ: ଏକାଠି ନଜର ଆସିଲେ ବଲିଉଡର ଫେମସ କୋରିଓଗ୍ରାଫର ତଥା ନିର୍ମାତା ଫରାହ ଖାନ ଓ ସାଉଥ ଷ୍ଟାର ନାଗା ଚୈତନ୍ୟ । ସୋସିଆଲ ମିଡିଆରେ ଭାଇରାଲ ହେଲା ଦୁଇଜଣଙ୍କ ଫଟୋ । ଯାହାକୁ ସେୟାର କରି ଗୁଡନ୍ୟୁଜ ଦେଲେ ଫରାହ । ଏହାସହ ସେ ନାଗାଙ୍କ ପିତା ତଥା ସାଉଥ ସୁପରଷ୍ଟାର ନାଗାର୍ଜୁନଙ୍କ ସହ କରିଥିବା କାମ ମଧ୍ୟ ମନେ ପକାଇଛନ୍ତି ।
ସେ ମଙ୍ଗଳବାର ଇନଷ୍ଟାଗ୍ରାମରେ ନାଗାଙ୍କ ସହ ନିଜ ଫଟୋ ପୋଷ୍ଟ କରି ଲେଖିଥିଲେ, ‘25 ବର୍ଷ ପୂର୍ବେ ମୁଁ ନାଗାଙ୍କ ବାପା ନାଗାର୍ଜୁନଙ୍କୁ ଡାନ୍ସ ଟ୍ରେନିଂ ଦେଇଥିଲି । ଯାହାପରଠୁ ଆମେ ଦୁହେଁ ଭଲ ବନ୍ଧୁ ସାଜିଛୁ । ଆଉ ଆଜି ମୁଁ ତାଙ୍କ ପୁଅଙ୍କ ସହ କାମ କରିବାକୁ ଯାଉଛି । ଆମେ ଦୁହେଁ ଏକ କମର୍ସିଆଲ ପ୍ରୋଜେକ୍ଟରେ ଏକାଠି କାମ କରିବୁ ।’
- " class="align-text-top noRightClick twitterSection" data="
">
ଯଦି ନାଗାଙ୍କ ବିଷୟରେ କଥା ହେବା ତାହାଲେ କିଛି ଦିନରୁ ଚର୍ଚ୍ଚା ଜୋର ଧରିଛି ଯେ ସେ ଖୁବଶୀଘ୍ର ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ସୁପରଷ୍ଟାର ଆମୀର ଖାନଙ୍କ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ରେ ନଜର ଆସିବେ ସେ। ଏହାବ୍ୟତୀତ ନାଗା ତେଲୁଗୁ ରୋମାଣ୍ଟିକ ଡ୍ରାମା ଫିଲ୍ମ ‘ଲଭ ଷ୍ଟୋରି’ର ସୁଟିଂରେ ମଧ୍ୟ ବ୍ୟସ୍ତ ଅଛନ୍ତି । ଯେଉଁଥିରେ ତାଙ୍କ ସହ ଅଭିନୟ କରୁଛନ୍ତି ସୁନ୍ଦରୀ ଅଭିନେତ୍ରୀ ସାଇ ପାଲ୍ଲାଭି ।
@IANS
