ମସୁରୀ: ବଲିଉଡ ଅଭିନେତା ମିଥୁନ ଚକ୍ରବର୍ତ୍ତୀଙ୍କ ସ୍ବାସ୍ଥ୍ୟ ହଠାତ୍ ମସୁରୀରେ ଖରାପ ହୋଇଯାଇଥିଲା । ସୂଚନା ପାଇବା ପରେ ଘଟଣାସ୍ଥଳରେ ଡାକ୍ତରମାନେ ପହଞ୍ଚି ତାଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଥିଲେ ।
ମିଥୁନ ଏକ ଚଳଚ୍ଚିତ୍ରର ସୁଟିଂ ପାଇଁ ମସୁରୀକୁ ଆସିଛନ୍ତି । ଫିଲ୍ମ 'ଦ କାଶ୍ମୀର ଫାଇଲ୍ସ'ର ସୁଟିଂ ପାଇଁ ମିଥୁନ, ଅନୁପମ ଖେରଙ୍କ ସମେତ ଅନେକ କଳାକାର ମସୁରୀରେ ଅଛନ୍ତି ।
ଏହି କ୍ରମରେ ଶନିବାର ବିଳମ୍ବିତ ରାତିରେ ମିଥୁନଙ୍କର ହଠାତ୍ ସ୍ବାସ୍ଥ୍ୟ ଖରାପ ହୋଇଯାଇଥିଲା । ଯେଉଁଥିପାଇଁ ସେ ଫିଲ୍ମ ଲୋକେସନରେ ମଧ୍ୟ ପହଞ୍ଚି ପାରିନଥିଲେ ।
ବର୍ତ୍ତମାନ ଡାକ୍ତରମାନେ ମିଥୁନଙ୍କ ପରୀକ୍ଷା କରି କହିଛନ୍ତି ଯେ ତାଙ୍କ ଅବସ୍ଥା ସ୍ଥିର ଅଛି ଏବଂ ତାଙ୍କୁ ଔଷଧ ଦିଆଯାଉଛି, ତାଙ୍କୁ ବିଶ୍ରାମ ନେବାକୁ ପରାମର୍ଶ ଦିଆଯାଇଛି ।
ପ୍ରକାଶ ଥାଉ ଯେ, ମିଥୁନଙ୍କୁ ଶେଷ ଥର ପାଇଁ 'ଦ ତସ୍କାନ୍ତ ଫାଇଲ୍ସ'ରେ ଦେଖିବାକୁ ମିଳିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
