ୱାଶିଂଟନ: ସମସ୍ୟା ଘେରରେ ହଲିଉଡର ଫେମସ୍ ଆକ୍ଟର କିଥ ଲରେନ୍ସ ମିଡଲବ୍ରୁକ। କୋରୋନା ଭାଇରସର ନକଲି କ୍ୟାପସୁଲ ବିକ୍ରି କରୁଥିବା ଅଭିଯୋଗରେ ତାଙ୍କୁ ଏଫବିଆଇ(ଫେଡରଲ ବ୍ୟୁରୋ ଅଫ ଇନଭେଷ୍ଟିଗେଶନ) ଏଜେଣ୍ଟ ଦ୍ବାରା ଗିରଫ କରାଯାଇଛି। ଫେମସ ଫିଲ୍ମ ‘ଆଇରନ ମ୍ୟାନ 2’ ଓ ହିଟ୍ ଟେଲିଭିଜନ ସିରିଜ ‘ଏନଟୁରେଜ’ରେ ଦମଦାର ଅଭିନୟ କରିଥିଲେ କିଥ୍।
ପୁରା ମାମଲାଟି ହେଲା ଯେ, କିଥ ମୁଖ୍ୟତଃ quantum prevention cv inc ନାମକ କମ୍ପାନୀର ସେହି ଔଷଧ ଉପରେ ନିବେଶ କରିବାକୁ ପରାର୍ମଶ ଦେଉଛନ୍ତି ଯାହା ସଠିକ କାମ କରିବା ବୋଲି ଦାବି ହେଉଥିଲା ।
ଆଉ ଦାବିରେ କୁହାଯାଇଛି କୋବିଡ-19 ସଂକ୍ରମଣକୁ ଏହି ଔଷଧ ଶେଷ କରିବା ସହ ସମ୍ପୂର୍ଣ୍ଣ ରୂପେ ଭାଇରସକୁ ନଷ୍ଟ କରିଦେବ। ପ୍ରକାଶ ଥାଉକି ଏଫବିଆଇର ଏକ ଷ୍ଟିଙ୍ଗ ଅପରେଶନ ପରେ ଗତ 25 ତାରିଖରେ ତାଙ୍କୁ ଲସ୍ ଆଞ୍ଜେଲିସରୁ ଗିରଫ କରାଯାଇଥିଲା। ଏହି ଷ୍ଟିଙ୍ଗରେ ତାଙ୍କୁ ନିବେଶକ ରୂପେ ଜଣେ ଅଣ୍ଡରକଭର ଏଜେଣ୍ଟକୁ ଔଷଧର ଏକ ପ୍ୟାକେଟ ଦେଉଥିବା ବେଳେ ଧରାଯାଇଥିଲା।
